Valdataflið

Skákmenn þurfa stundum að fórna manni til að vinna taflið.  Sú hugsun sækir nú að Púkanum að svipaðar hugleiðingar séu meðal sumra Sjálfstæðismanna þessa dagana - þeir séu að velta fyrir sér hvort besti leikurinn í stöðunni sé að fórna Villa til að halda völdum og vinna leikinn.

Púkinn er í sjálfu sér ekki sannfærður um að Villi eigi að víkja - heldur sé jafnvel mikilvægara að hreinsa til innan Orkuveitunnar og henda þeim út sem virðast hafa gleymt því sem ætti að mati Púkans að vera hið raunverulega hlutverk þeirra - að  veita þjónustu.

Hverjar eru líkurnar á að það gerist?  Snýst málið kannski bara um hvort það eigi að fórna peði eða öflugri manni?

Athugasemdir

[Einar Jón, 12.2.2008 kl. 14:22]

Að mínu mati er staðan töpuð, þ.a. það er varla nóg að fórna manni.

Þeir ættu að íhuga að henda öllu settinu og fá nýja taflmenn fyrir næsta stórmót/kosningar, því þessir eru allir útbíaðir.