Takk fyrir netsambandið

Púkinn á netsambandinu frá 1989 mikið að þakka.  Það var nefnilega akkúrat á þessum tíma, sumarið 1989, sem Púkinn var að byrja að selja hugbúnað erlendis.

Eftir á að hyggja hefði auðvitað verið gáfulegra að flytja bara úr landi, frekar en að reyna að reka hugbúnaðarfyrirtæki við íslenskar aðstæður, en hvað um það.

Púkinn ákvað semsagt að selja hugbúnað í gegnum netið - nokkuð sem þykir sjálfsagt í dag, en þótti gersamlega fáránlegt 1989.   Sá hugbúnaður er enn i dag seldur og notaður um allan heim, og fjöldi fólks vinnur við þróun á honum í ýmsum heimshornum.

....en ef það hefði ekki verið fyrir þessa litlu, hægvirku nettengingu 1989, þá hefði aldrei orðið neitt úr þessu hjá Púkanum.

Íslendingar hafa verið nettengdir í 20 ár

Athugasemdir

[DoctorE (IP-tala skráð) 5.8.2009 kl. 18:38]

Netið er eitt það besta sem hefur gerst í heiminum... sjálfur hef ég unnið við netið og eða í gegnum netið í áratugi.

[Steingrímur Helgason, 5.8.2009 kl. 22:20]

Ég man þezza tíð & eljan þín fær alltaf klapp á bak frá mér Frikki.