Heimsendir eftir 22 daga!

Þeir sem kíktu í Fréttablaðið í dag tóku ef til vill eftir því að á síðu 27 er heilsíðuauglýsing um yfirvofandi dómsdag - 21. maí.

Það fyrsta sem Púkanum datt í hug var að þetta væri auglýsing fyrir einhverja bíómynd sem yrði frumsýnd þann dag, en í ljós kom að þessi auglýsing er á vegum einhverra sem er fúlasta alvara.

Púkinn hélt reyndar að svona þvættingur væri nánast einskorðaður til Bandaríkin, en einhvern veginn hefur þessi della náð að teygja sig hingaðtil Íslands.

Það er reyndar forvitnilegt að skoða þá sem helst standa á bakvið þetta, en vefsíðan þeirra er http://www.familyradio.com, þar sem meðal annars má finna teljara sem telur niður að dómsdegi...Púkinn getur ekki gert annað en velt fyrir sér hvað gerist með þann teljara 22 maí, en það er annað mál.

Svolítil leit á vefnum leiddi í ljós fjölda vefsíðna sem flytja þennan boðskap - að dómsdagur sé í nánd - til dæmis http://www.may-212011.com/ og http://judgementday2011.com/

Já, svo má ekki gleyma http://www.youtube.com/watch?v=yI5_xp_2f8w - reyndar svolítið undarlegt val á tónlist þar, en hvað um það.

 Rökstuðniingurinn fyrir þessum degi er nú frekar ræfilslegur -  annars vegar virðist boðskapurinn byggja á því að talsvert hafi veriðuð járðskjálfta, flóð og hvirfilvinda undanfarið - já, svo ekki sé nú minnst á tilvist "gay pride",sem margir af þessum "trúarnötturum"virðast telja örugghtmerki þess að heimsendir sé í nánd.

Hins vegar eru um að ræða "útreikninga" Harold Camping, sem líta svona út:

• Ef "heilögu" tölurnar 5, 10 og 17 eru margfaldaðar saman er útkoman 850.
• 850 í öðru veldi er 722.500
• Þann 21. maí 2011 eru 722.500 dagar liðnir frá 1. apríl árið 33.
• Þar af leiðandi er dómsdagur eftir 22 daga.

Æ já - svo eru líka (samkvæmt álíka "gáfulegum" útreikningum) liðin nákvæmlega 7000 ár frá syndaflóðinu.

 Púkanum finnst ótrúlegt hversu auðtrúa fólk er og hversu margir gleypa athugasemdalaust við svona þvættingi. Harold Camping er auðvitað ekki sáfyristi sem spáirdómsdegi - og mun væntanlega afsaka sig með "reikniskekkju" þegar 22. maí rennur upp og í ljós kemur að ekkert gerðist.

Það ætti nú ekki að verða neitt sérstakt vandamál fyrir hann - það eru margir söfnuðir eins og Sjöunda Dags Aðventistar og Vottar Jehóva sem hafa langasögu af spádómum sem hafa brugðist

Athugasemdir

[Marinó G. Njálsson, 29.4.2011 kl. 18:36]

Friðrik, láttu ekki svona.  Fólk verður að fá að skemmta sér. 

Annars skiptir nákvæmlega engu máli hvenær "dómsdagur" verður.  Þegar hann kemur mun enginn geta afstýrt því.  Hvort hann er 21. maí 2011, 12.12.2012 eða einhvern annan dag breytir engu nema einhver sem trúir blint á ákveðna dagssetningu fremur glæpi, s.s. morð, í þeirri trú að sá hinn sami þurfi ekki að taka út refsinguna í þessu lífi.  Sé viðkomandi aftur svo trúgjarn, þá trúir sá sami líklegast á að afbrotið sendi hann í hið neðra.  Hin hliðin er að einhver sem trúir blint taki upp á því að bæta líf sitt, auðga fjöldskyldutengsl, gera góðverk o.s.frv., þá er svona "vitleysa" bara hið besta mál.

[Bjarne Örn Hansen (IP-tala skráð) 29.4.2011 kl. 18:38]

Það er nú varla mikið að afsaka sig, með reiknis skekkjum.  Ef þú verður ekki var við neitt, þá ertu einn af þeim sem verður að lifa í helvíti á jörðu að eilífu.  Guð, mun hverfa frá jörðinni ...

Ég mun verða einn af þeim, sem fær að sitja eftir ... mér líður afskaplega illa að vita af þessu.

[Einar Jón, 29.4.2011 kl. 21:00]

Ætli gaurarnir á bak við http://www.familyradio.com taki við veðmálum um þessa dagsetningu?

[Mofi, 30.4.2011 kl. 15:50]

Aðvent kirkjan hefur enga langa sögu af spádómum sem hafa brugðist, eitthvað er þín söguþekking og þekking á Aðvent kirkjunni þarna að bregðast.

Einn af stofnendum Aðvent kirkjunnar, Ellen White aftur á móti gerði nokkra spádóma en enga um endurkomuna.

Þetta familyradio dæmi er mjög forvitnilegt en það er nokkuð augljóst eftir að hafa lesið smá af síðunni þeirra að þetta er ekki byggt á Biblíunni. Gaman að vita hvaða hópur hérna á Íslandi stendur á bakvið þetta.

[Arnar, 2.5.2011 kl. 14:09]

Oh nei, ég sem var að skrá mig í sumarfrí í júlí..

Annars eiga þessir rugludallar alltaf eina ódýra og auðvelda leið út úr þessu (daginn eftir það er að segja):

KRAFTAVERK!

Guðinn bænheyrði þau/þá og frestaði heimsendinum.. í 100. skipti af því að þau/þeir eru svo svakalega góðir trúmenn og allir eiga að senda þeim $10 svo þau geti haldið áfram að einbeita sér að bænunum.