Hvers vegna þagðirðu áður?

Björgólfur, þú segir að krónan hafi verið of hátt skráð áður.  Það er rétt hjá þér, en hvers vegna bentir þú ekki á það áður?

Hvers vegna stóðstu ekki upp þegar dollarinn kostaði aðeins 60 krónur og sagðir: "Þetta gengi er ekki raunhæft!  Það eru bara fífl sem taka gengisbundin lán á þessu gengi."

Á þeim tíma hefði verið tekið mark á þér.  Þá hefðir þú getað bjargað mörgum.

Það er svolítið seint í rassinn gripið að segja þetta núna.

Krónan stærsta vandamálið

Athugasemdir

[Tori, 25.10.2008 kl. 18:16]

Gengi dollarans á þessum tíma var mjög lágt gagnvart öllum gjaldmiðlum og hafði ekkert með krónuna að gera. Heimurinn er stærri en það.

[Púkinn, 25.10.2008 kl. 21:14]

Tori, ég tók dollarann bara sem dæmi...krónan var líka allt of há gagnvart evrunni, jeninu o.s.frv.   Hún var bara of sterk yfirhöfuð....allt út af þessari arfavitlausu vaxtastefnu Seðlabankans.

[Tori, 26.10.2008 kl. 16:40]

Krónan var á markaði, keypt og seld, á því verði sem bauðst á hverjum tíma. Þannig að það er ekki hægt að vera endalaust að tala um of hátt gengi eða lágt.

Niðurstaðan var sú að fólk tók erlend lán vegna vaxtastigs og verðtryggingarleysis.

Ég er sammála að hávaxtastefnan hefur engu skilað þar sem það er mjög algengt hér að fólk taki erlend lán. Þekki ekki til annars staðar en á ekki von á þannig sé farið í mörgum löndum.