Laser - barnaleikföng?

Laserbendar eru eins og vasahnífar.  Geta verið gagnlegir og skemmtilegir - jafnvel spennandi, en geta verið varasamir í höndum þeirra sem ekki kunna með þá að fara.

Fyrir síðustu aldamót voru flestir laserbendar aðeins með 1-5mw styrk og sendu frá sér rautt ljós.

Nú á síðustu árum hafa hinsvegar 532nm grænir laserbendar náð miklum vinsældum.  Þeir eru oft öflugri, jafnvel yfir 100mw en þar sem mannsaugað er einnig næmara fyrir grænu ljósi en rauðu, þá virðist græni geislinn mun bjartari en jafn öflugur rauður geisli.

Öflugir laserbendar geta valdið alvarlegum augnskemmdum sé þeim beint framan í fólk og af þeirri ástæðu einni ætti ekki að láta þessi tæki í hendur þeirra sem ekki kunna með þau að fara.

Að beina svona laserbendi að stjórnklefa flugvélar er alvarlegt ábyrgðaleysi og Púkinn veltir fyrir sér hvað foraldrar þessa unglings voru eiginlega að hugsa þegar þau leyfðu honum að leika sér með svona tæki - eða hvort foreldrarnir eru bara jafn gersneyddir ábyrgðartilfinningu og unglingurinn.

Svona hegðun kemur bara óorði á þessi tæki og veldur þeim vandræðum sem kunna að fara með þau.

Lasermálið á Akureyri upplýst

Athugasemdir

[Predikarinn - Cacoethes scribendi , 11.11.2010 kl. 10:12]

Kemur einhver staðar fram að um unglinga hafi verið að ræða ? ? ?

[Púkinn, 11.11.2010 kl. 10:36]

Já.  sjá dv.is

 14 ára strákur.

[Predikarinn - Cacoethes scribendi , 11.11.2010 kl. 11:14]

Ok, var ekkert búinn að skoða dv.is í dag

[Kári Harðarson, 11.11.2010 kl. 13:09]

Púkinn ætti að vita hvað hann er að segja, fyrsti laserinn sem ég sá á ævinni, var á heimili púkans, ca. 1975.

[Púkinn, 11.11.2010 kl. 13:18]

Heh, já - tíminn flýgur, en þetta eru nú orðin svolítið mikið öflugri tæki í dag.

[Billi bilaði, 14.11.2010 kl. 23:38]

Sá bilaði veltir fyrir sér hvort Púkinn viti allt um öll þau tæki sem koma inn á heimili hans, og hvaða hættur þau geti skapað, og tryggi það að ekki sé hægt að misbeita nokkru þeirra? Og hafi hann ekki þá vitneskju, hvort hann sé þá "gersneyddur ábyrgðartilfinningu"?

[Gylfi Gylfason (IP-tala skráð) 17.11.2010 kl. 22:15]

Ég var að selja þessi tæki síðasta vetur og hætti því. Grunaði að þessi umræða kæmi upp eftir að hafa prófað því þetta er svaka geisli af þessu. Of hættulegt fyrir óvíta fullorðna sem unga. En hrikalega skemmtilegt leikfang