Púkinn vill rafbíl

Púkann langar í rafbíl - en ekki svona smábíl eins og borgarstjórinn er á.

 Nei, draumarafbíll Púkans er Tesla-S rafbíllinn - bíll sem lítur út eins og "alvöru" bíll, kemst 480 km á fullri hleðslu og þótt þetta sé ekki ódýrasti bíllinn á svæðinu, þá er rekstrarkostnaðurinn aðeins brot af því sem það kostar að reka bensínbíl.

Já,og svo er reyndar að koma tími til að endurnýja 14 ára gamla Saab bílinn sem Púkinn keyrir venjulega.

Púkinn stökk nefnilega ekki til og endurnýjaði þann bíl á "góðærisárunum", heldur ákvað bara að halda áfram að keyra um á gamla bílnum meðan hann væri vandræðalaus - og það hefur hann verið ár eftir ár eftir ár.

En nú fer bráðum að koma tími á endurnýjun og Púkann langar mikið í svona Tesla bíl um leið og þeir fara í almenna sölu 2012.

Kvartar yfir rafbílnum

Athugasemdir

[Rafn Haraldur Sigurðsson (IP-tala skráð) 14.11.2010 kl. 11:57]

Við skulum þá vona að það sé varadekk. Því það er svo púkalegt að ganga eins og hinir hálfvitarnir

[Vendetta, 14.11.2010 kl. 13:20]

Ert það þá þú sem keyrir um á Saabinum?

[Davíð Pálsson, 14.11.2010 kl. 13:40]

Sjálfur á ég 11 ára Nissan bíl og deili með þér draumnum um rafbíl. Hef verið áhugasamur um Nissan Leaf (sjá http://www.nissanusa.com/leaf-electric-car/index?dcp=ppn.epid!.&dcc=ecid!.eaid!#/leaf-electric-car/index), sem er þá væntanlega ódýrari en þessi flotti Tesla-S bíll.

Veit samt ekki alveg með endingu rafgeyma þegar bíllinn stendur oft og mikið í frosti.

[Óskar Þorkelsson, 14.11.2010 kl. 15:51]

dude.. 14 ára gamall SAAB er ekki gamall SAAB.. þegar hann er 20 ára skaltu fara að velta því fyrir þér að yngja aðeins upp ;)

Tesla bíllinn er flottur og ég er sannfærður um að svona bílar verða orðnir almenn eign eftir 5-6 ár. 

[Einar Steinsson, 14.11.2010 kl. 16:39]

Árin síðan General Motors eignaðist SAAB í kringum 1990 hafa verið niðurlægingartímar fyrir þetta stolta vörumerki, í staðin fyrir að smíða bíla með karakter fóru þeir að smíða eftirlíkingar af meðalmennskubílum Opel. En vonandi eru betri tímar framundan með nýju hollensku eigendunum.

En Tesla eru flottir bílar, þar er verið að gera hlutina með metnaði en það er einmitt það sem rafbílar þurfa til að verða valkostur. Þetta apparat sem borgarstjórinn er með er víðast hvar ekki flokkað sem bíll heldur sem sett í svipaðan eða sama flokk og fjórhjól.

Hvað varadekk varðar þá er það orðið algengt að bílar séu án varadekks, stundum fylgir með brúsi til að blása kvoðu inn í dekkið til að þétta það. Þegar ég fer að hugsa um það þá hefur líklega ekki farið loft úr dekki hjá mér þannig að ég kæmist ekki á áfangastað í eina tvo áratugi.

[Sindri Karl Sigurðsson, 14.11.2010 kl. 20:37]

Það á ekki að gera grín að Opel, það hafa aldrei fleiri í sögunni flúið jafn hratt undan einu merki á grillinu í veraldarsögunni.

Hnignun já og rafmagnsbílar já og aftur já.

[Vendetta, 14.11.2010 kl. 21:22]

Eftir því sem ég kemst næst, þá hafa blendingsbílar (raf/benzín eða raf/diesel) gefizt vel og hafa verið ýmiss konar concept í því sambandi bæði hvað varðar bifreiðar og mótorhjól, en það eru ekki ýkja margir framleiðendur ennþá og þeir hafa ekki náð þeirri útbreiðslu sem vonazt var eftir. Það á sér eflaust eðlilegar skýringar. Á sama tíma hafa margar útgáfur af rafbíl verið algjör flop, kannski er Gnarr-bíllinn í þeim hópi.

Ég hef aldrei átt Saab, en tengsl tegundarinnar við flughreyflaframleiðslu hafa ekki skapað bílnum örugga framtíð, þótt þessu væri hampað vel og lengi. Á hinn bóginn hefur framleiðsla Rolls-Royce á flughreyflum afar lítið með vinsældir Rolls-Royce bifreiða að gera, heldur það að Rolls-Royce er svo til handsmíðaður. Var það ekki líka þannig sem Saab var markaðssettur á sínum tíma, þeas. að það væri vandað til verka við framleiðsluna?