Kostirnir við Google+

Púkinn er frekar hrifinn af Google+, því það leysir á snyrtilegan hátt nokkur helstu vandamál Facebook.

Google+ býður notandanum upp á að skilgreina á mjög þægilegan hátt hópa (hringi) notenda sem þú deilir efni með - eða sem deila efni með þér.  

Ólíkt Facebook, þá er þetta ekki samhverft - þ.e.a.s. Þú getur deilt efni til einhverra án þess að sjá nokkuð af því sem þeir deila - svona svipað Twitter að þessu leyti.

Þegar efni er deilt þá má velja á hvaða hring(i) því er dreift -  en þeir sem taka við efninu hafa líka sína hringi og geta mun auðveldar stýrt því hvað þeir sjá.

Maður situr þess vegna ekki uppi með "vini" sem maður þekkir varla og deila aldrei neinu sem maður hefur áhuga á - það má bara setja þannig fólk í sérstakan hring sem maður skoðar aldrei - eða halda þeim bara utan allra hringja.

Segir Google+ ekki hafa neina notendur

Athugasemdir

[Reynir W Lord, 18.8.2011 kl. 07:53]

Sammála, ég held að google+ eigi eftir að taka mikið af Facebook. En það sem Facebook hefur framyfir Google+ er fjöldin en það á eftir að breytast.

[Arnór Baldvinsson, 20.8.2011 kl. 17:22]

Ég hef ekki notað G+ og hef takmarkaðann áhuga.  Orsökin er sú að Google hefur þegar meiri upplýsingar um persónulega hagi fleiri einstaklinga og fyrirtækja heldur en Facebook!  Google hefur safnað saman ótrúlegu magni upplýsinga um þá sem nota leitavélina, selja í gegnum google, auglýsa í gegnum google, nota gmail, notendur Android síma og svo má lengi telja.  Það má segja að google viti betur hvar þú ert og hvað þú ert að gera heldur en nokkur annar;)  Ég hef lítinn áhuga á að gefa google MEIRA af persónulegum upplýsingum með því að nota google+ og hef grun um að það séu ansi margir á þeirri skoðun. 

Kveðja,

[Vendetta, 23.8.2011 kl. 02:14]

Ég nota hvorki Facebook, Twitter né Google+. Og er hæstánægður með það enda er Facebook mesta tímasóun sem til er. Ég hef enga þörf á svona Facebook-gervivinum, ég tek alvöru vini fram yfir yfirborðslega vináttu fólks sem er ýmist að smjaðra hvort fyrir öðru eða drulla yfir hvort annað. Endalaust.

Ég hresstist verulega við að skrifa þessa athugasemd.