Krónan er ekki vandamálið

Sumir eru svo barnalegir að halda að krónan og hegðun hennar sé stóra vandamálið og með því einu að skipta henni út muni allt færast til betri vegar.

Endemis bull.

Stóra vandamálið hér á Íslandi undanfarna áratugi - og ekki síst á árunum fyrir hrunið - var agalaus og vanhæf stjórn ríkisfjármála og Seðlabankans.

Íslenska ríkinu tókst á sínum tíma að klúðra einkavæðingu bankanna, Seðlabankinn brást kolrangt við og Fjármálaeftirlitið stóð sig ekki í stykkinu.

Nákvæmlega hvað fór úrskeiðis er nokkuð sem efur verið lýst oft áður og ætti ekki að þurfa að endurtaka. 

Krónan er ekki sökudólgurinn í þessu máli, heldur saklaust fórnarlamb óhæfra stjórnmálamanna sem Íslendingar voru nógu vitlausir til að kjósa yfir sig.

Hin innistæðulausa hækkun krónunnar á sínum tíma var afleiðing rangra ákvarðana hjá stjórnmálamönnum og Seðlabankanum og hið óhjákvæmilega fall hennar var bein afleiðing sömu ákvarðana.

Nei, að skipta út krónunni myndi ekki leysa neinn vanda ef hér verða áfram við völd ráðamenn sem taka jafn arfavitlausar og agalausar ákvarðanir og voru teknar á þeim tíma.

Það sem menn hefðu átt að gera á sínum tíma - og ættu jafnvel að gera í dag - er að stefna að því að uppfylla Maastrict skilyrðin - ekki í þeim tilgangi að mega taka upp evruna, heldur vegna þess að þetta eru "góð" skilyrði, sem myndu neyða ráðamenn til að taka upp agaðri vinnubrögð.

Íslenska þjóðin þurfti að læra með sársaukafullum hætti að það er ekki endalaust hægt að lifa um efni fram - nokkuð sem hefði verið unnt að koma í veg fyrir með meiri aga.

Eigum að halda í krónuna

Athugasemdir

[Ásthildur Cesil Þórðardóttir, 13.11.2011 kl. 12:00]

Sammála.

[Vendetta, 13.11.2011 kl. 12:58]

Það sem á að standa undir sterkum gjaldmiðli er sterkur efnahagur sem afleiðing af sterkum og fjölþættum atvinnuvegum, sérstaklega framleiðslu-/útflutningsiðnaði, ekki gerviefnahagur. Þetta hefur sannreynzt í öllum ríkjum í kringum okkur, sérstaklega fyrir daga evrunnar. Hér á landi með duglausar ríkisstjórnir í fimmtíu ár hefur efnahagnum verið haldið niðri með sovézkum áætlanabúskap og síðan kom áratugur með algjöru taumleysi glæpahyskis bæði innan og utan veggja Alþingis, þar sem krónan var tjökkuð upp með verðlausum hlutabréfum og blekkingum. Síðan eftir að allt hrynur eins og séð var fyrir, þá eru kosnir enn aðrir kúrekar í rikisstjórn, sem hafa ekki gert annað en að skíta upp á bak. Troða á alþýðunni en hlaða undir auðvaldshyskið.

Dugleysi allra alþingismanna síðustu sextíu árin hafa gert það að verkum, að framtíðinni hefur verið rænt frá komandi kynslóðum. Sextíu dauð ár. Það eru alþingismenn hafa blóðugar hendur, því að ábyrgðin var þeirra. Og þeir hafa aldrei staðið undir væntingum. Ekki einu sinni nálægt því. Engin furða þótt Íslandi sé oft líkt saman við Zimbabwe. Sams konar dugleysi, sams konar spilling.

[Guðmundur Ásgeirsson, 13.11.2011 kl. 16:38]

Ef skurðgrafari er latur og vinnur illa, grefur seint og skakkt þannig að lítið gagn er af...

Og viðbrögðin yrðu að reka skófluna frá störfum en senda grafaranum launaseðil...

Hvers virði væri þá slíkur launaseðill?

[Ásthildur Cesil Þórðardóttir, 13.11.2011 kl. 16:41]

Góður punktur Guðmundur.

[Sigurgeir Orri Sigurgeirsson, 13.11.2011 kl. 16:52]

Þú bendir einmitt á ástæðuna fyrir því hvers vegna Ísland á ekki að notast við eigin gjaldmiðil. „Agalaus og vanhæf stjórn ríkisfjármála og Seðlabankans.“ Án krónu er engin þörf á Seðlabanka. Án Seðlabanka er ekki hægt að prenta peninga, fella gengið fyrir hagsmunaaðila, reisa múra sem loka fyrir viðskipti sem geta komið landinu vel. Það eru margar ástæður fyrir því að Ísland á ekki að nota eigin gjaldmiðil heldur notast við þann gjaldmiðil sem sýnir verð á áli og fiski hvað best. Dalinn.

[Rafn Guðmundsson, 13.11.2011 kl. 20:14]

það er margt rétt í þessu hjá þér. en að halda í krónuna er ekki rétt. og auðvitað má segja að hún sé fórnarlamb. mín skoðun er að EINA leiðin fyrir okkur til að losna við "ráðamenn sem taka jafn arfavitlausar og agalausar ákvarðanir" er að taka upp annan gjaldmiðil eins og t.d. evru og ef við þurfum að ganga í esb þá bara það.

[Púkinn, 13.11.2011 kl. 21:52]

Það þarf nú ekki annað eð að líta til Ítalíu og Grikklands til að sjá að upptaka evru kemur ekki til með að koma í veg fyrir vitlausar ákvarðanir.

Það þyrfti meira til ... algjört afsal á fjárlagagerð og peningamálum til kerfiskarla í Brussel, sem að sjálfsögðu eru miklu hæfari til að taka ákvarðanir um fjármál íslands en menn hér....eða hvað?

[Stefán Einarsson, 14.11.2011 kl. 11:40]

Ef hagsaga Íslands er skoðuð þá virðast Íslendingar ekki geta tekið góðar ákvarðanir hvað fjármá Íslands varðar. Kannski er kominn tími á að leyfa öðrum að prófa?

 Annars er ég sammála því að krónan er ekki vandamálið.