Veggjasóðar

"Graffiti-listamenn" - já einmitt það - huh!  Púkinn er hugsanlega til í að samþykkja þá sem listamenn sem krota á veggi sem þeir hafa leyfi til að sóða út - en flestir af þessum svokölluðu "listamönnum" eru ekkert annað en illa siðaðir sóðar.

Óagaðir, treggáfaðir og illa upp aldir strákgeplar sem bera ekki virðingu fyrir eigum annarra.

Púkinn rekur fyrirtæki með einni hlið sem ligguar að göngustíg.  Eitt hans fyrsta verk á hverjum morgni er að athuga vegginn, hvort hann hafi fengið að vera í friði yfir nóttina. Það bregst því miður oft og þarf Púkinn þá að taka sér pensil í hönd og mála yfir krotið, því ef það fær að vera óhreyft í einhverja daga virkar það eins og segull á aðra veggjakrotara.

Púkann langar mest til að koma upp myndavél sem fylgist með veggnum, en æ...það má hann víst ekki vegna persónuverndarlaganna.

Lögreglan tekur ekki á þessu, skólakerfið stendur sig ekki í stykkinu og foreldrarnir hafa brugðist.

Stundum finnst púkanum skrýtið að það þurfi leyfi til að hafa hund, en ekki til að ala upp börn.

Er graffiti veggjakrot?

Athugasemdir

[Zóphonías, 12.2.2007 kl. 18:16]

Jamm það er víst auðveldara að búa til börn heldur en foreldra :)
Þetta er víst illa séð samtímalist sem blasir okkur við alls staðar en hvernig vilt þú þá að unglingarnir / ,,strákgeplarnir"  tjái sig? Þeim hlýtur að vanta vettvang fyrir tjáningu úr því saklausir húsveggir verði sífellt fyrir barðinu á þeim:)

[Púkinn, 12.2.2007 kl. 18:45]

Tá sig?

Geta þeir ekki bara bloggað?

[Bjarni Rúnar Ingvarsson, 13.2.2007 kl. 01:10]

þetta er bara fáfræði!!

[Bjarni Rúnar Ingvarsson, 13.2.2007 kl. 01:20]

þú veist án efa ekki muninn á gröffurum og töggurum!!

graffarar eru með flott lystaverk en taggarar krota "lógóið" sitt á vegginga... 

ég ætla mér að taka það bessaleyfi að vitna að eins í þig... "Óagaðir, treggáfaðir og illa upp aldir strákgeplar sem bera ekki virðingu fyrir eigum annarra."

ef ég er óagaður treggáfaður og illa upp alinn... myndi ég þá vilja veggi til að graffa á... löglega veggi...

já!! :O :O  alveg ótrúlegt en satt.... en vegna þess að það er engvir sérstakir staðir til að "graffa" á eru margir sem gera það bara þar sem þeir eru...

kennsla um graffiti... ef fáfræðin væri ekki jafn mikil eins og er í dag... þá væri mikið minna um taggara... þá sem krota lógóið sitt.... því að það væri niðurlæging að vera taggari... flottara að vera graffari... þannig að þetta helst allt í hendur... með meiri fræðslu kemur minni krot, með stöðum til að graffa á, þá hverfa "krotin" á húsunum!! 

afhverju talaru ekki frekar um þessar ógeðslegu auglýsinga haldara sem eru út um allt?? eru þeir ekkert ljótir... hvað ef að það væri engin auglýsing heldur einhver flott mynd til að príða bæinn.... eða á eins og margar auglýsingar sem eru í svona þar-til-gerðum stadífum á veggjum.... hvað ef það væri flott graffiti mynd þarna á í staðinn?? ......

en ég hlakka til að heyra þitt svar... 

[Púkinn, 13.2.2007 kl. 09:49]

Þeir sem krota á veggi án leyfis eru allir eins, sama hvort þeir eru bara að krota einhverja stafi eins og "Robo", "Loo5" eða einhver "listaverk".  Það er skoðun Púkans að það ætti að taka þessa strákgepla, stilla þeim upp í gapastokk á almannafæri og leyfa vegfarendum að henda eggjum og tómötum í þá. 

Púkinn vill að lokum benda þér á að stunda skólann betur.  Það eru 8 stafsetningarvillur í svarinu þínu, fyrir utan skortinn á upphafsstöfum í byrjun setninga.