"23:00 Orgy at Austurvöllur"

Púkinn var að skoða dagskrá fyrir þetta Snowgathering 2007 og var að velta fyrir sér hvort séraðgerðadeild femínista myndi standa fyrir mótmælum og uppákomum við einstaka atburði.

Fjöldamótmæli við Bláa lónið klukkan 3 á laugardegi?   Mótmælastaða við Geysi á föstudeginum?

Það sem Púkinn furðaði sig hins vegar á var hvaða "ice restaurant" er um að ræða - annað hvort hefur Púkinn misst af einhverju, eða um einhvern misskilning er að ræða.

Annars er dagskráin ósköp venjuleg ferðamannadagskrá, nema ef undanskilin er föstudagsheimsóknin á strippbúlluna.  Hverju áttu menn eiginlega von á - bjóst fólk við dagskrárliðum eins og "23:00 Orgy at Austurvöllur" ?

Púkinn sér eiginlega ekki hvernig er hægt að nefna þetta "þing" eða "ráðstefnu" - það er nú ekki eins og verið sé að halda fyrirlestra eða vörukynningar.

Annars mundi Púkinn eftir svolitlu sem femínistarnir hafa ekki minnst á.  Það mun víst vera þannig að meðaltekjur kvenstjarna í klámmyndabransanum eru umtalsvert hærii en karlmanna í sömu grein.

Athugasemdir

[Katrín Anna Guðmundsdóttir, 16.2.2007 kl. 19:23]

Mætti svo benda Púkanum á að fram hefur komið í viðtali við aðstanda klámsjúkdómaskemmtiferðarinnar að til stendur að taka hér klámmyndir. Bendi Púkanum líka á færslu um innihald á vefsíðum þeirra þátttakanda sem hér munu mæta.

Varðandi hærri laun til kvenkyns klámmyndastjarna þá ætti það ekki að koma. Það er ekki til merkis um hversu mikilvægu hlutverkið klámið gegnir í kúgun allra kvenna... eins og einhver sagði svo viturlega: Men despise women because porn exists. Porn exists because men despise women.

Þú manst svo vonandi eftir að það eru ekki næstum allar klámmyndaleikkonur á háum launum. Margar eru meira að segja á engum launum heldur sem þrælar í þessum "business". 

[Halldór Fannar Kristjánsson, 17.2.2007 kl. 02:03]

Katrín! 

Þú virðist bara afbrýðissöm yfir að fá ekki að vera með... ég myndi vel leika í klámmynd til að gleðja íslensk kvenhjörtu, og ég hef ekkert á móti kynferðislegu áreiti þegar ég er á lausu, það lætur mér líða eins og ég sé fallegur, kynþokkafullur og eftirsóttur, sem er góð tilfinning fyrir þá sem hafa hlotið þá blessun að fá að kynnast henni.

vonast til að sjá púkann á ráðstefnunni.

[A.S.A (IP-tala skráð) 17.2.2007 kl. 14:31]

Það skiptir engu hvað dagskráin segir.  Það er geinilegt frá myndunum undir "last year" (http://www.snowgathering.com/lastyear.html) að þeir fyrirhuga að taka upp klám hér á landi... sem er stórólöglegt!!!