Helmingi lægri yfirdráttarvextir

Púkinn var að hugsa um þessa auglýsingu sem blasti við honum þegar hann fór inn á mbl.is: "Helmingi lægri yfirdráttarvextir".

Finnst engum neitt athugavert við þetta?

Púkinn viðurkennir það að sjálfsögðu að það geta komið upp þær aðstæður hjá fólki að það þurfi að nýta sér þær yfirdráttarheimildir sem það hefur.  Þetta er eðlilegt ef óvænt áföll skella á og fólk lumar ekki á feitum varasjóðum.

Það ætti hins vegar enginn að vera að greiða yfirdráttarvexti að staðaldri - sé svo, þá er eitthvað verulega mikið að í fjármálum viðkomandi, eitthvað sem lagast ekki með helmingi lægri yfirdráttarvöxtum, heldur með því að taka sér tak, fá ráðgjöf, skera niður óþarfa eyðslu og endurskipuleggja fjármálin.

Kannski er Púkinn bara svona gamaldags, en hann vill helst ekki skulda neinum neitt að óþörfu og alls ekki borga yfirdráttarvexti, jafnvel þótt þeir séu bara "helmingi lægri en himinháir".

Athugasemdir

[Vestfirðir, 23.4.2007 kl. 15:25]

Good point