Hver seldi fálkaorðuna?

Undanfarið hefur fálkaorða verið til sölu á eBay.  Þetta er að sjálfsögðu óeðlilegt - það er ætlast til að svona orðum sé skilað inn við andát þess sem fékk orðuna.

Það sem veldur Púkanum hins vegar heilabrotum er spurningin um hver átti þessa orðu.

Á ljósmyndinni sem fylgir af afhendingarskjalinu er greinilegt að um stórkross er að ræða, veittur af Vigdísi Finnbogadóttur, og ártalið er 1990 að því er virðist.

Spurningin er hver viðtakandinn er - Púkinn getur hreinlega ekki lesið það, en sýnst vera um "Dr. Gerhard ....... sendiherra" að ræða, en textinn er nokkuð óskýr.

Ekki reyndist mikið gagn að vefnum í þessu tilviki, a.m.k. fann Púkinn ekki upplýsingar um orðuveitingar fyrir 1996, en ef til vill er einhver sem sér hvaða orða það er sem verið er að selja.

Athugasemdir

[Ester Sveinbjarnardóttir, 29.4.2007 kl. 06:35]

Afhverju sendir þú ekki bara inn fyrirspurn til þess sem er að selja orðuna, þá hefði málið verið upplýst.

[E.Ólafsson, 29.4.2007 kl. 12:30]

Það er nú auðvelt að finna út hver fékk þessa orðu.  Hér er listinn yfir þá sem fengu orðu árið 1996. Gæti verið þessi einstaklingur: 

Gert Kreutzer, fræðimaður, Þýskalandi, riddarakross

[Púkinn, 29.4.2007 kl. 12:45]

hmmm.  nei.   Þetta er stórkross, ekki riddarakross - hann er sendiherra, ekki fræðimaður - árið er ekki 1996 - nafnið er of langt til að geta verið "Gert".