Skoðanakannanir - að búa til frétt úr engu

Púkinn er væntanlega ekki einn um að vera orðinn leiður á skoðanakönnunum, sér í lagi skoðanakönnunum Capacent Gallup sem gerðar eru daglega, en sýna í raun ekkert merkilegt - aðeins minniháttar mun frá degi til dags - mun sem oftar en ekki er innan skekkjumarka.

Það sem meira er, séu kannanirnar athugaðar yfir lengri tíma, þá er ekkert áhugavert þar heldur.  Framsókn hefur verið að styrkjast eftir því sem nær dregur kosningum - en það eru engin tíðindi, sama hefur gerst áður og VG eru að dala - toppuðu á röngum tíma, en það er ekki nýtt heldur - þeir hafa aldrei verið góðir í tímasetningum.

Sem sagt - endalausar ekki-fréttir.

Er nokkur furða að fólki sé farið að leiðast?

Samfylking og VG bæta við sig

Athugasemdir

[Örn Arnarson, 10.5.2007 kl. 12:59]

Mikið agalega er ég sammála púkanum.  Hvernig stendur á því að víðast hvar í lýðræðisríkjum er birting á könnunum bönnuð dagana fyrir kosningar, en ekki hér?  Þetta gerir kosningarnar leiðinlegar, fólk missir áhugann, fyrir utan það hvað kannanirnar geta haft skoðanamyndandi áhrif á þá óákveðnu.  Fólk þarf bara að fá frið til að gera upp hug sinn!!!