Af kaffimálum

Púkinn er þeirrar skoðunar að til þess að brenna sig á kaffinu sínu þurfi fólk annað hvort að vera óheppið eða heimskt.  Það á ekki að þurfa að segja fólki að heitt kaffi sé HEITT.

Bandarískt fyrirtæki er ekki alveg á sama máli og hefur hafið framleiðslu á loki á kaffimál - loki sem er þess eðlið að það breytir um lit eftir hitastigi kaffisins.

Sem sagt, ef lokið er rautt, þá er kaffið heitt.   Púkinn getur nú ekki að því gert að hann veltir fyrir sér hvort þeir sem á annað borð eru líklegir til að brenna sig á kaffinu sínu séu ekki alveg jafn líklegir til þess hvort sem kaffimálið er með rauðu eða brúnu loki.

Hvað um það - lokið er selt undir nafninu "Smart-Lid" - og væntanlega beint að fólki sem er ekkert voðalega...."smart".

Athugasemdir

[G. Tómas Gunnarsson, 7.6.2007 kl. 02:39]

Vandamálið í þessu tilfelli er ekki heimska mannanna, þó að vissulega megi halda því fram að á henni sé ekki skortur.

Vandamálið felst í dómskerfum.  Ef hægt er að fá stórar skaðabætur með því að hella "of heitu" kaffi yfir sig, er ekki óeðlilegt að seljendur kaffis reyni að koma með mótleiki, til að verja sig fyrir slíku.

Í Bandaríkjunum (þar sem lengst er gengið í þessari vitleysu) hleypa "sjúkrabílaeltararnir" og "tortararnir" upp kostnaði víðast hvar um hagkerfið.  Ekki síst í veitingabransanum og heilbrigðiskerfinu.

[Gúrúinn, 7.6.2007 kl. 09:09]

Er ekki tilvalið fyrir litblinda að brenna sig og verða ríkir í leiðinni?

[Árni Steingrímur Sigurðsson, 7.6.2007 kl. 09:14]

Fyrir þá sem hafa áhuga á lestraslysinu í BNA