Kílóvattstundirnar

Það er nú aldeilis munur að vera með álbræðslu og fá rafmagnið á 2.1 krónu kílóvattstundina.  Púkinn var að fara yfir rafmagnsreikningana sína og honum reiknast til að ef hann fengi rafmagnið á sama verði og Norðurál, þá myndi rafmagnsreikningurinn lækka um 500.000 á ári.

Líkurnar á að það gerist eru væntanlega engar, því það er nú ekki svo gott að það sé bullandi samkeppni milli orkufyrirtækjanna að selja Púkanum raforku.

Það sem væri hins vegar forvitnilegast er spurningin hver "framleiðslukostnaðurinn" á kílóvattstundinni raunverulega er.  Raforkufyrirtækin eru nú ekki góðgerðastofnanir og Púkinn trúir því ekki að raforkan sé seld undir kostnaðarverði, en varla er hagnaðurinn mikill.

Norðurál greiðir OR 2,1 kr. á kílóvattstund

Athugasemdir

[Árni Steingrímur Sigurðsson, 7.6.2007 kl. 14:38]

Nú, kostnaðurinn á samningstímanum er 15 Milljarðar, tekjur eru 40 milljarðar, 2,1*15/40= 78,5 aurar á kílóvattsstundina.  Þvílíka okrið á meðalneytandanum!

[Árni Steingrímur Sigurðsson, 9.6.2007 kl. 17:43]

Þarf ekki þá að aðskilja rekstur grunnnetsins og framleiðslunar á komandi árum?  Nú má vænta samkeppni á orkuframleiðslumarkaðinum von bráðar.