Bláa kortið - Ísland situr eftir

Á Indlandi útskrifast árlega fleiri tölvu- og tæknimenntaðir einstaklingar en sem nemur öllum íbúafjölda Íslands.  Allnokkur hluti þessa hóps vill flytja til Vesturlanda, þar sem krónískur skortur er á fólki með svona menntun.  Nokkur lönd hafa reynt að laða þennan hóp til sín, með því að auðvelda þeim að fá vegabréfaáritanir og atvinnuleyfi, en þar eru Ástralía, Kanada og Bandaríkin efst á blaði, en í Ástralíu eru t.d. 9.9% alls aðkomufólks menntaðir sérfræðingar. 

Evrópusambandið er nú að fara að leika sama leik, en hlutfallið þar er víst innan við eitt prósent sem stendur.

Og hvað gerist?

Ísland situr eftir.

Það er illgerlegt að koma svona fólki til landsins, og ef það tekst virðist Útlendingastofnun gera sitt besta til að hrekja viðkomandi starfsmenn úr landi aftur.  

Púkinn telur hér um að ræða enn eina sönnun þess að íslenskum stjórnvöldum er ekki alvara með að vilja þekkingariðnað á Íslandi - margt fleira mætti tína til, en það er efni í annað blogg síðar.

Athugasemdir

[Kári Harðarson, 24.10.2007 kl. 09:30]

Ef við fáum menntaða útlendinga til landsins gætum við lent í því að þeir séu meðvitaðir um réttindi sín og láti ekki fara með sig hvernig sem er.   Það er miklu auðveldara að smala láglaunafólki uppá hálendið og henda því út aftur þegar það er búið að vinna, án þess að borga rétt laun eða í lífeyrissjóði.

Ég held að þú ættir að skrifa þetta blogg um þekkingariðnað á Íslandi !

[DoctorE (IP-tala skráð) 24.10.2007 kl. 12:43]

þú vilt kannski að það verði bara indverja á íslandi ha.. þeir fjölga sér rosalega hratt...
Bara að grínast, auðvitað á þekkingariðnaðurinn að fá að taka inn fólk ef hann fær það ekki hér heima...