God hates fags!

"The most hated family in America" er sjónvarpsþáttur um hommahatarann Fred Phelps og fylgismenn hans.  Reyndar er nú ef til vill ekki rétt að kalla hann "hommahatara", því hann hatar líka kaþólikka, múslíma, gyðinga, Bandaríkjamenn, Kanadamenn og ... Svía.

Af hverju Svía?

Jú, samkvæmt vefsíðu safnaðarins virðist það vera vegna þeirra réttinda sem samkynhneigðir njóta þar í landi og sökum þess að sænskur prestur og skoðanabróðir Phelps var sakfelldur fyir þau ummæli að samkynhneigðir væru "krabbamein á þjóðfélaginu".  Fred Phelps myndi þá væntanlega hata Íslendinga líka, en hann virðist væntanlega ekki vera nægjanlega kunnur stöðu mála hér að landi til að vera byrjaður að hata okkur ennþá.

Séra Phelps og fylgismenn hata þó samkynhneigða mest af öllum - telja þá ábyrga fyrir öllum heimsins vandamálum.  Þessir fylgismenn hans eru reyndar ekki margir - sennilega á bilinu 50-150, en nánari upplýsingar um þá má finna hér.

Við höfum sem betur fer ekki svona brenglaða ofsatrúarmenn á Íslandi - og vonandi kemur aldrei til þess.

Kirkja dæmd til skaðabótagreiðslna fyrir að mótmæla við jarðarför

Athugasemdir

[Snorri Bergz, 1.11.2007 kl. 18:09]

Maður getur svosem skilið þetta með Svíana!  http://www.godhatesfags.com/main/sweden_tsunami_monument.html

En mig grunar, að frekar mætti segja: "God hates WBC"! En mig grunar líka, að hvorki við né þessir aular í Kansas, hafi rétt til að gera Guði upp slíkar skoðanir...

Því svo elskaði Guð Svía, að hann gaf...?


En þegar upp er staðið er ljóst, í mínum huga, að þessir WBC gaukar eru snarruglaðir. Punktur.

[Ár & síð, 2.11.2007 kl. 00:26]

Ertu viss um að svona gaurar séu ekki til hér á landi? Það er nefnilega ekki víst að þeir þori allir að flagga skoðunum sínum svona.

Það er ekki öllum gefið að elska náungann eins og sjálfan sig.

[Róbert Björnsson, 2.11.2007 kl. 07:30]

Jú ég held að okkar ofsatrúarmenn séu nú margir hverjir alveg nógu brenglaðir.

En það er merkilegt að fyrst núna skuli vera tekið á þessu liði því það er sko ekkert nýtt að þau mæti með hatursboðskap sinn í jarðarfarir.  Það sem er hins vegar tiltölulega nýtt er að þau eru farin að mæta í jarðarfarir hermanna...og það hefur nú vakið aldeilis meiri reiði og athygli heldur en þegar þau mættu bara í jarðafarir hjá einhverju hommaliði sem þau eru búin að gera í yfir 15 ár í skjóli stjórnarskrársvarins réttar þeirra til málfrelsis.

Hérna er ágætis klippa úr þætti Michael Moore frá árinu 1998 þar sem Moore gantast svolítið í Fred Phelps http://www.youtube.com/watch?v=33-_9nOX8KM 

[DoctorE (IP-tala skráð) 2.11.2007 kl. 09:27]

Hmmm það er til næstum svona lið hér, horfðu bara á Omega :)
Það er bara spurning um tíma hvenær einhver ofsatrúarruglukollur trompast algerlega :)

[Guðmundur Auðunsson, 2.11.2007 kl. 12:07]

Frábær klippa frá Michael Moore. En það sem mér fannst fáránlegast er að maður þurfti að sanna að maður væri yfir 18 ára til að sjá klippuna! Bandaríkjamenn eru ekki í lagi. Ofbeldi á ofbeldi ofan er í lagi, en það getur verið hættulegt að sjá nokkra homma gera grín að þessu Phelbs fífli.