Íslensk fyndni 2008 - frumvarp til fjárlaga

Það er ýmislegt í fjarlagafrumvarpinu sem ekki er hægt annað en að brosa að, en það er jafnvel fleira sem flestir hrista væntanlega hausinn yfir og velta fyrir sér geðheilsu ráðamanna þjóðarinnar.

Margir bestu brandararnir eru í því sem nefnist "Sundurliðun óskiptra liða í A-hluta".

Til dæmis eru veittar 1.500.000 vegna "árs kartöflunnar", en til samanburðar  fær Daufblindrafélagið 1.200.000.

Það eru veittar 10.000.000 vegna niðurrifs frystihúss í Flatey, en það er sama upphæð og samanlagðar fjárveitingar til Félags áhugafólks um Downs-heilkenni, Barnaheilla, Félags einstæðra foreldra, Félags heyrnarlausra, Samhygðar og Samtaka áhugafólks um spilafíkn.

Púkinn vill að gefnu tilefni taka fram að hann hefur ekkert á móti selum, en honum finnst athyglivert að Selasetur Íslands og selaskoðunarstaður á Illugastöðum á Vatnsnesi fá samanlagt 20.000.000 - en það er fjórfalt meira heldur en veitt er til Mæðrastyrksnefndar Reykjavíkur.

Já, það er nú aldeilis gott að forgangsröðunin er á hreinu þegar það kemur að því að úthluta peningum úr sameiginlegum sjóðum landsmanna.

Áhugasamir geta lesið meira hér. 

Athugasemdir

[Einar Indriðason, 10.12.2007 kl. 19:25]

Við hverju býstu af þessu atvinnutrúðaleikhúsi?  Sem betur fer hafa alþingismenn langt og gott frí... þeir gera þá ekkert af sér á meðan á Alþingi.  Nóg er nú samt.

[Sokkabrúða, 11.12.2007 kl. 00:59]

Jú, þetta er allt úthugsað. Mikið verða nú daufblindir ánægðir þegar þeir fá að smakka á öllum þessum kartöflum.

[Púkinn, 11.12.2007 kl. 09:10]

Selasetrið á Hvammstanga fær reyndar 15 milljónir, ekki 10 - það er annar liður neðar.

[Jenný Anna Baldursdóttir, 17.12.2007 kl. 12:07]

Takk fyrir þetta púki.  Manneskjan í fyrirrúmi, já já og sæll.  Ég er ekki minna en brjáluð.  ARG

[Lára Hanna Einarsdóttir, 17.12.2007 kl. 23:31]

Ég hætti aldrei að furða mig á forgangsröðuninni í þjóðfélaginu. Takk fyrir þarfa ábendingu.