Eru Íslendingar mestu nöldrarar í heimi?

Stundum læðist sú hugsun að Púkanum að nöldur sé þjóðaríþrótt Íslendinga.  Það virðist engu máli skipta hvaða mál er skoðað - það má alltaf finna einhverja sem geta nöldrað út af því.

Suma nöldurgjörnustu einstaklinga landsins má finna hér á blog.is, en hér er nöldrað um bækur, dægurmál, enska boltann, ferðalög, íþróttir, menningu, tónlist, trúmál og alla hina bloggflokkana.

Mesta íþróttin virðist þó vera að nöldra um stjórnmál og fjármál og helst ef þetta tvennt tengist.

Skoðum til dæmis eitt helsta nöldurefnið þessa dagana - ástandið á fasteignamarkaðinum.  Fyrir nokkrum árum voru íslendingar nöldrandi yfir því hve erfitt væri að fá fé til íbúðarkaupa.  Íbúðalánasjóður væri nískur og vextirnir háir.  Þá komu bankarnir og hófu að ausa fé í landsmenn á "góðum" kjörum.

Er þjóðin ánægð með þetta í dag og hætt að nöldra?  Ónei.  Allir þessir peningar ýttu upp íbúðarverðinu og nú nöldrar þjóðin sem aldrei fyrr - nöldrar yfir afleiðingum þess að hún fékk það sem hún bað um.

Er til eitthvað það mál sem Íslendingar nöldra ekki yfir?

Athugasemdir

[DoctorE (IP-tala skráð) 9.3.2008 kl. 16:29]

Meira nöldrið í þér vinur ;)
Það væri nú frekar boring ef ekkert væri til að nöldra yfir... það væri himnaríki eða eitthvað

[Einar Indriðason, 9.3.2008 kl. 17:06]

Nú ert þú kominn í hóp þeirra sem nöldra.  Þú ert að nöldra yfir nöldrinu.  Sennilega bætist ég þá við í hópinn líka, sem nöldrari.  Flokkast ég þá sem ... Nöldrari, sem nöldrar yfir nöldri þeirra sem nöldra yfir annarra manna nöldri?

[Púkinn, 9.3.2008 kl. 17:29]

en ef ég nöldra yfir síðustu athugasemd er ég þá 5. stigs nöldrari? Þ.e.a.s. nöldrari sem nöldrar yfir athugasemd um nöldur þeirra sem .... eh .... eitthvað í þá áttina.

[SHG, 9.3.2008 kl. 19:01]

varð ekki einn getulaus af nöldrinu í frúnni sinni ;= 

[Brattur, 9.3.2008 kl. 19:33]

... einhver sagði, Íslendingar eru ekki þjóð, heldur þrjúhundurð þúsund einstaklingar... og allir ósammála... það er svo gaman...

[Brjánn Guðjónsson, 9.3.2008 kl. 19:44]

nöldur nærir hjartað og sálina. lyftir innantómu tuði í á hærra plan

[Haukur Nikulásson, 9.3.2008 kl. 20:13]

Nöldur er bráðnauðsynlegt til að skapa andstæðu við það að gleðjast yfir einhverju. Viltu bara tóma flatneskju Friðrik? Nöldrið lengi lifi!

[Baldur Fjölnisson, 9.3.2008 kl. 22:18]

Töflur

• Erlend staða þjóðarbúsins

Lýsigögn

• Erlend staða þjóðarbúsins

Tímaraðir

• Erlend staða þjóðarbúsins

Annað tengt efni

• Erlend staða þjóðarbúsins og þáttatekjur (Peningamál, 2. hefti 2007)

Umsjón: Tómas Örn Kristinsson, upplýsingasviði. Netfang: [e-mail]



Formaður Bankaráðs Seðlabankans heitir Halldór Blöndal. Bankaráð Seðlabankans er skipað af Álþingi Íslendinga.

[Baldur Fjölnisson, 10.3.2008 kl. 00:01]

Afsakið Hr. Púki en ég gleymdi að geta þess að fyrra innlegg væri off topic ... en þó ekki ... Kveðja, Baldur F.

[Valdimar Samúelsson, 10.3.2008 kl. 08:29]

Heyrðu nöldurskjóða þú nöldrar yfir nöldrinu í okkur. Veistu Ísslendingar nöldra líka í Suður Dakota þ.e. Vestur Ísslendingar. Þetta kom fram í sjónvarps þætti um okkar fólk þar og sagt að það þyrfti alltaf að láta í ljós skoðanir sínar á öllum málum ennnginnn sammmála þar heldur. 

[Matthildur Ágústa Helgadóttir Jónudóttir, 10.3.2008 kl. 10:37]

Mér er algjörlega misboðið að þú skulir ekki vilja lesa nöldrið í okkur hinum.

-Nöldur er frumkrafturinn sem fær okkur til að breyta og bæta.

-Nöldur er leið þeirra litlu og óöruggu til að vera stór og örugg.

-Nöldur hreyfir við tilfinningum okkar. 

-Nöldur hefur skemmtanagildi. 

-Nöldur er list

Þakka þér fyrir að næra nöldrarann í mér með þessari stórskemmtilegu og jafnframt nöldursömu færslu.