Hungur - og hræsni kaþólsku kirkjunnar

Nú vill Púkinn ekki gera lítið úr því vandamáli sem hungur er fyrir fjölda fólks út um allan heim, en honum finnst það koma úr hörðustu átt þegar páfinn krefst þess að aðrir finni lausn á vandanum.

Það eru að sjálfsögðu margar ástæður fyrir hungri - uppskerubrestur, erfiðleikar við að koma matvælum á áfangastaði, en grunnvandamálið, sem mun verða mikilvægara eftir því sem tíminn líður, er einfaldalega að það eru of margir munnar til að metta.

Mannkyninu fjölgar enn of hratt, og þeirri þróun verður að snúa við.  Offjölgun er að vísu ekki vandamál á Vesturlöndum eða í Japan og Kínverjar hafa gripið til róttækra, en nauðsynlegra aðgerða, með því að takmarka barnafjölda með harðri hendi.  Offjölgun er hins vegar vaxandi vandamál í fátækari ríkjum - og stuðlar að því til lengri tíma að þau verða enn fátækari - eftirspurn eftir mat og álagið á vistkerfið vex uns í óefni er komið.

Afleiðingarnar verður á endanum fólksfækkun vegna hungurs, farsótta, styrjalda eða - ef við erum heppin - vegna lækkandi fæðingartíðni.

Þar er komið að hlut kaþólsku kirkjunnar.  Með baráttu sinni gegn notkun getnaðarvarna hefur kirkjan beinlínis stuðlað að offjölgun hjá þeim sem síst mega við því - Púkinn er til dæmis þeirrar skoðunar að til lengri tíma litið hafi Julius Fromm (maðurinn sem fann upp smokkinn í sinni núverandi mynd) gert mannkyninu meira gagn en Móðir Theresa.

Nei, hvað ástæður hungurs varðar er kaþólska kirkjan ekki í stöðu til að gagnrýna aðra.

Benedikt XVI: Hungur óviðunandi

Athugasemdir

[DoctorE (IP-tala skráð) 3.6.2008 kl. 10:38]

Svona er allt sem frá þessum kuflum kemur, þykjast vilja vernda líf en eru að rústa lífum að mestu, kaþólska kirkjan er td aðalorsök eyðni í Afríku og víðar.
Eina sem þeir vilja eru fleiri kaþólikkar en þeir skilja ekki að þeir eru að gera allt rangt
Ég mun aldrei skilja fólk sem vil vera í þessum söfnuði heimsku og fordóma

[Nonni, 3.6.2008 kl. 17:03]

Það er til nóg af mat í heiminum. Flest lönd eru með meira en nóg af mat fyrir sig en hafa bara ekki þekkinguna eða stjórnvöld ekki viljann sem þarf til að fæða alla.