Skoðanakönnun - hvað ætlar þú að kjósa í vor?

Í október síðastliðnum var Púkinn með skoðanakönnun hér á blog.is um hvað fólk myndi kjósa ef þá hefði verið efnt til kosninga.

Í ljósi þess að nú standa raunverulega kosningar fyrir dyrum er við hæfi að endurtaka þá skoðanakönnun - sjá hér til hliðar.

Niðurstöður hinnar óvísindalegu könnunar Púkans í Október voru eftirfarandi:

B - Framsókn 7.0%

D - Sjálfstæðisfl. 17.0%

F - Frjálslyndir 4.1%

Í - Íslandshreyfingin 3.4%

S - Samfylkingin 22.2%

V - Vinstri grænir 23.2%

Ekkert af ofanfarandi 23.0%

Það kæmi Púkanum hins vegar ekki á óvart þótt niðurstöðurnar yrðu talsvert öðruvísi núna.

Svona til gamans þá bætti Púkinn við valmöguleikum sem vísa til tveggja hreyfinga sem hafa verið áberandi að undanförnu, ef svo færi að formleg framboð kæmu á þeirra vegum.  Stuðningsmenn Harðar Torfa og Sturlu geta þá nýtt sér þá valkosti.  

Sé fólk hins vegar enn tvístígandi, þá er enn í boði próf á vefnum sem segir fólki hvaða flokki það á helst samleið með, þótt spurningarnar séu orðnar nokkuð úreltar núna.

Geir: Kosið í maí

Athugasemdir

[Púkinn, 23.1.2009 kl. 14:04]

Smá tæknilegt vandamál ;-)   Lagfært.

[Steingrímur Helgason, 23.1.2009 kl. 14:59]

Merkilegt nokk, ég sá þetta ekki sem vandamál ...

[Einar Indriðason, 23.1.2009 kl. 17:00]

Ef ég hefði rekið augun í að annan flokk, með listabókstafinn D, hefði vantað... Þá hefði ég ekkert verið að vekja athygli á því........

(En... það er kannski bara ég...)

[DoctorE (IP-tala skráð) 23.1.2009 kl. 22:57]

Merkilega ~fáir sem vilja eitthvað annað...uh

[Snjólaug A. Sigurfinnsdóttir, 24.1.2009 kl. 14:52]

Ætli verðir ekki ósköp litlar tilfæringar, fólk er mjög íhaldsamt þegar komið er í kjörklefann.

[Villi Asgeirsson, 24.1.2009 kl. 15:47]

xD með 38%? Hvað er í gangi?

[Björgvin R. Leifsson, 24.1.2009 kl. 16:35]

Smölun

[Billi bilaði, 25.1.2009 kl. 00:58]

Ég smellti nú á Hörð og co., en ef verður úr nýju lýðveldi (hugmyndir Njarðar P. Njarðvík), þá mun ég skoða það gaumgæfilega.