Púkinn og kosningakompásinn

Púkinn er í hálfgerðum vandræðum fyrir þessar kosningar - enginn flokkanna höfðar sérstaklega til hans og flokkurinn sem Púkinn kaus síðast er ekki til lengur.

Í von um að kosningakompásinn myndi gefa einhverjar vísbendingar svaraði Púkinn spurningunum, en niðurstöðurnar voru ekki afgerandi:

	Lýðræðishreyfingin (P)	69%
	Vinstrihreyfingin - grænt framboð (V)	65%
	Borgarahreyfingin (O)	64%
	Samfylkingin (S)	63%
	Frjálslyndi flokkurinn (F)	61%
	Sjálfstæðisflokkur (D)	61%
	Framsóknarflokkur (B)	60%

 Öll framboðin voru á bilinu 60-69%.  Nei, ekki er það gæfulegt....

Kosningakompás mbl.is

Athugasemdir

[Einar Indriðason, 17.4.2009 kl. 12:13]

Og Ástþór efstur! 

[Sigurjón, 18.4.2009 kl. 01:39]

Þú kaust augljóslega Íslandshreyfinguna síðast.  Ég held að auður seðill eða jafnvel ógildur sé málið nú.

[Baldvin Jónsson, 18.4.2009 kl. 01:54]

Teljum bara niður listann.

Virðist ljóst miðað við kannanir að líkurnar á að P nái inn manni eru hverfandi.

VG eru ágætis kostur ef þú vilt stórauka hér aðkomu ríkisins að öllum málum og ert sáttur við að AGS stýri hér ríkisfjármálunum.

Borgarahreyfingin er meðal annars sá hluti Íslandshreyfingarinnar sem gekk ekki inn í Samfylkinguna. Við sem gátum ekki hugsað okkur að ganga til liðs við Samfylkinguna, sem tók jafnan þátt á við Sjálfstæðisflokk í því að blekkja okkur í aðdraganda hrunsins, tókum þátt í lýðræðis starfinu sem fram fór í aðdraganda Borgarahreyfingarinnar og síðan stofnun hennar. Þú kannast að sjálfsögðu við wiki vefinn Lýðveldisbyltinguna og hvernig þetta þróaðist.

Borgarahreyfingin vill ekki lofa neinu, en þú mátt trúa því að við ætlum okkur að taka til "Óspilltra" málanna.

Alvöru rannsókn og uppgjör við fortíðina mun auka traust alþjóða samfélagsins á okkur hraðar og þar með til dæmis skapa þér og þínum rekstri aftur betri rekstrarskilyrði erlendis.

Svona kompás gefur þó að sjálfsögðu aldrei skýra mynd, en hjálpar manni kannski að sjá svona landslagið aðeins.

En ef þú vilt sjá hér niðurfærslu vísitöluskráningar, rannsókn á hruninu sem um sakamál sé að ræða, upptöku annars gjaldmiðils í myntbandalagi eða einhliða, alhliða lýðræðisumbætur og uppstokkun í stjórnsýslunni. Fagráðningar ráðherra þar með taldar. Já þá er Borgarahreyfingin eitthvað sem þú ættir að skoða gaumgæfilega

http://borgarahreyfingin.is/stefnan

[Baldvin Jónsson, 18.4.2009 kl. 01:54]

Sigurjón, að skila auðu á Íslandi er einfaldlega bara að henda rétti sínum til áhrifa út um gluggann.

[Sigurjón, 18.4.2009 kl. 02:39]

Reyndar er það rétt hjá þér Baldvin.  Mér finnst líklegast að ég setji x við borgarahreyfinguna ef ég set x við eitthvað.  Það gæti kannske hrist upp í þessu fjárans pakki...

[Sigurður Sigurðarson, 18.4.2009 kl. 11:44]

Ég lét það eftir mér að prufa kompásinn og þá kom í ljós að (O) virðist falla best að minni sýn með um 87% fylgni en (D) er neðst með 50%.  Eftir að hafa lesið um "hvorki-né" aðferð Púkanns þá datt þá í hug að snúa þessu við og merkja við það sem ég vil ekki og mikilvægi þess í réttu hlutfalli.  Þá snérist dæmið við og gaf mjög ákveðna útkomu,  (D) var þá með 94% en (O) með 19%.     Kannski er betra að nota þá aðferð því þá virðist teygjst úr listanum og munurinn eykst.  Niðurstaðan er þó allavega sú að ljóst er að (D) er ekki inni í myndinni hjá mér í þessum kosningum hvar sem X-ið lendir svo á endanum.

[Sigurjón, 18.4.2009 kl. 15:18]

Prófaðu x-o.  Bara einu sinni...  Það getur ekki orðið verra en fjórflokkurinn ferlegi!

[Billi bilaði, 19.4.2009 kl. 16:12]

Ég hef greinilega kosið rétt:

Kosningakompás mbl.is - niðurstaða

Samsvörun svara þinna við svör flokkanna er sem hér segir:

Flokkur Samsvörun
	Borgarahreyfingin (O)	84%
	Samfylkingin (S)	77%
	Lýðræðishreyfingin (P)	64%
	Framsóknarflokkur (B)	64%
	Frjálslyndi flokkurinn (F)	62%
	Vinstrihreyfingin - grænt framboð (V)	62%
	Sjálfstæðisflokkur (D)	34%

Slóð: http://www.mbl.is/mm/frettir/kosningar/compass.html
Skoðað: 2009-04-19 16:08
© mbl.is/Árvakur hf

[Sigurjón, 19.4.2009 kl. 17:19]

	Borgarahreyfingin (O)	80%
	Framsóknarflokkur (B)	79%
	Frjálslyndi flokkurinn (F)	78%
	Samfylkingin (S)	75%
	Lýðræðishreyfingin (P)	72%
	Vinstrihreyfingin - grænt framboð (V)	68%
	Sjálfstæðisflokkur (D)	67%

Það er greinilegt að ég ætla líka að kjósa rétt...