Gerum bílana upptæka!

Þegar sami strákgepillinn er tekinn í annað skipti fyrir ofsaakstur á stuttum tíma er eitthvað að og ljóst að einfaldar sektir eru ekki að virka.

Púkinn vill koma með nokkrar hugmyndir: 

1. Til viðbótar fjársektum og tímabundinni ökuleyfissviptingu verði viðkomandi gert að sækja námskeið - ökukennslan hefur greinilega ekki gengið sem skyldi.
2. Bíllinn verði kyrrsettur í  einhvern tíma - nema auðvitað ef honum hefur verið stolið.  Ef einhver, t.d. foreldri hefur sýnt það dómgreindarleysi að lána viðkomandi bílinn ber viðkomandi ábyrgð að hluta.
3. Við alvarlegri brot verði bílarnir einfaldlega gerðir upptækir (nema þeim hafi verið stolið).  Þetta gæti verið viðeigandi þegar akstur viðkomandi er með þeim hætti að hann gæti varðað viðalmenn hegningarlög.  Bíllinn er þá einfaldlega tæki sem er notað til að fremja með afbrot.

Skoðun Púkans er sú að hér á Íslandi sé of lítið um að fólk taki raunverulega ábyrgð á gjörðum sínum.

Tekinn tvisvar fyrir ofsaakstur á 10 dögum

Athugasemdir

[Stefán (IP-tala skráð) 6.3.2007 kl. 14:17]

Þessi drengur hefur örugglega alist upp við mikið ábyrgðar og tillitsleysi og væntanlega lært ruddalegan akstur af föður sínum. Ungur nemur gamall temur. Það hafa margir 17 ára unglingar verið teknir fyrir ofsaakstur að undanförnu, sem sannar að hækka verði bílprófsaldurinn hið snarasta.

Stefán

[Sigurður Eðvaldsson (IP-tala skráð) 6.3.2007 kl. 15:45]

Ég get svo sannarlega tekið undir þessi orð hjá þér Púki.Það þarf róttækar aðgerðir gagnvart ökuníðingum sem ítrekað gerast sekir um vítaverðan akstur.Maður sem skýtur af handhófi af riffli í þéttbýli færi undantekningarlaust í gæsluvarðhald og yrði dæmdur í framhaldinu fyrir að stofna lífi og limum samborgara sinna í hættu.En maður sem ekur á glæpsamlegum hraða í gegnum íbúðarhverfi fær aðeins sekt og í betsa falli  ökuleyfissviptingu í einhvern tíma þrátt fyrir að hafa ekki síður stefnt lífi og limum samborgara sinna í stórhættu.Að sjálfsögðu eiga slíkir ökuníðingar að fara beint í gæsluvarðhald og svo í vist á Litla Hrauni þar sem þeir getað hugsað sig um hvort það sé ekki réttara að virða hraðatakmarkanir í komandi framtíð.    

[Jósafat (IP-tala skráð) 6.3.2007 kl. 16:35]

Stefán.. Helduru virkilega að ungt fólk sem hefur keyrt hratt sé illa uppalið !! Þá get ég nánast bókað það að við séum það öll ! Myndi ekki vera dæma fólk sem þú þekkir ekki neitt.

Er alls ekki viss um að rétta leiðin sé að hækka bílprófsaldurinn, fólk þroskast helling við það að fá bílpróf!

[Stefán (IP-tala skráð) 6.3.2007 kl. 17:15]

Já Jósafat, ég held að þetta hafi allavega eitthvað með uppeldið að gera, en auðvitað félagsskapinn líka. Á síðasta ári var það í fráttum að sumir foreldrar ökuníðinga reyndu að fá sektir þeirra felldar niður og þetta fólk reyndi að afsaka aksturslagið, sem segir manni að slíkt fólk er bara ekki í lagi og það endurspaglast í illa uppöldum unglingum, sem líka hafa fengið ökuskírteini áður en ökuþroska er náð. Þess vegan er ég fylgjandi því að ökuleyfisaldurinn verði hækkaður upp í 18 ár og það strax !

Stefán   

[Sigurjón, 7.3.2007 kl. 02:55]

Hverjum þykir sinn fugl fagur.

 Annars er ég á þeirri skoðun að það þurfi að bæta verulega ökukennsluna og lengja.