Bruðl dagsins - hefðbundið

Bruðl dagsins er "klassískt", eða jafnvel bara gamaldags bruðl.  Myndin hér sýnir dýrasta bíl sem er í fjöldaframleiðslu í dag, Bugatti Veyron.  Það er hægt að fá dýrari bíla sérsmíðaða, en þessi hér er raunverulega fjöldaframleiddur.

Reyndar er fjöldinn ekki mjög mikill, því verðið væri um 120 milljónir fyrir bílinn kominn hingað á götuna.

Hvað fá menn svo fyrir peninginn?  Jú, bíl með tvöfaldri V8 vél,  1001 hestöfl, sem nær 400 km/klst hraða á 56 sek.

Jamm, einmitt það.

Það er reyndar eitt sem Púkinn skilur ekki - hvernig gátu menn gert nokkuð svona dýrt þetta ljótt?

Athugasemdir

[Haukur Nikulásson, 19.3.2007 kl. 14:02]

Sá þennan í sjónvarpinu í gær í breska bíladelluþættinum Top Gear. Algjör óhófsgræja að öllu leyti.

Vorkenni gæjanum sem fékk að prufukeyra því hann nær sér aldrei aftur! Allt sem hann gerir í bílaveseni hér eftir verður bara leiðinlegt í samanburði.

[Fræðingur, 27.3.2007 kl. 00:53]

Ljótleikinn er náttúrulega til þess að loftinu bjóði við bílnum og þá tekst ekki á loft ;)