Cantat bilaður - enn einu sinni

Maður er einhvern veginn hættur að kippa sér upp við fréttir af því að Cantat sé bilaður eina ferðina enn.  Ekki er langt síðan hann komst loksins í lag aftur, eftir að hafa bilað fyrir síðustu áramót og ekki skrýtið að menn séu að velta fyrir sér hvenær hann verði endanlega afskrifaður.

Nú er bara að vona að engar bilanir verði á FarIce meðan Cantat-tengingin til Evrópu liggur niðri - afleiðingar þess gætu orðið slæmar. Menn munu sjá það fljótt ef skosku rotturnar naga strenginn í sundur á þeim hluta hans sem ekki hefur enn verið tvöfaldaður.

Það er enn alllangt í nýjan streng, Farice II og eins og Púkinn hefur oft sagt áður hefur hann verulegar efasemdir um hvernig staðið er að því máli, en sem stendur er lítið hægt að gera annað en að bíða og vona.

Bilun á Cantat-3 sæstrengnum

Athugasemdir

[Egill Harðar (IP-tala skráð) 25.5.2007 kl. 11:38]

Manni er farið að líða eins og maður eigi heima í einhverju gúlagi einhverstaðar. Ef stjórnendur þessa lands væru aðeins tölvulæsari og tæknilega þenkjandi værum við kannski ekki svona illa stödd hvað tengingu við umheiminn varðar.

[DoctorE (IP-tala skráð) 25.5.2007 kl. 11:40]

Heyrst hefur að kartöflubóndi hafi verið að taka upp kartöflur og tekið strenginn í leiðinni ;)

[Sigurjón, 25.5.2007 kl. 11:57]

Hver er að taka upp kartöflur í lok maí?

Annars er óþolandi að búa við þetta þriðjaheimsvandamál með nettengingar... 

[Árni Steingrímur Sigurðsson, 25.5.2007 kl. 12:52]

Hvernig er það, af hverju er ekki mögulegt að markaðurinn taki af skarið og skapi samkeppni um gagnaflutning?  Er með öllu ómögulegt að setja upp streng án aðkomu hins opinbera?

[Púkinn, 25.5.2007 kl. 14:02]

það er ekki ómögulegt fyrir einkaaðila að setja upp streng - það er hins vegar mjög vafasamt að slíkt væri raunhæft - þ.e.a.s. hvort hægt væri að láta slíkt standa  undir sér.

[Einar Þór Strand, 26.5.2007 kl. 13:01]

Reyndar var það farice sem ver alltaf að bila í Skotlandi og þá strengir sem voru ekki í eigu farice heldur annarra fjarskiptafélaga. Cantat-3 bilaði á vesturleið í vetur og getur jú alltaf komið fyrir þegar menn eru að veiðum þar sem strangurinn liggur.  En það sem er gott í þessu er að við erum að fá sennilega nýja strengi bæði í austur og vestur, það er einn nýjan héðan til færeyja og síðan noregs eða danmerkur.  Síðan ætla Grænlendingar að leggja hinga steng til að komast í samband við evrópu og eftir homum verður hægt að tengjast vestur.

[Árni Steingrímur Sigurðsson, 31.5.2007 kl. 08:51]

Eðli markaðarins er að þar sem yfirverð á vöru/þjónustu hefur myndast þar er tilefni til samkeppni.  Fjármagn leitast við að framkvæma aðgerðir með sem hæstri arðsemi fyrir sem minnsta áhættu.  Ef hagsmunaaðilar í upplýsingatæknigeiranum tækju sig til og reiknuðu dæmið til enda er ég viss um að fjármagn til framkvæmdanna myndi fást á opnum markaði.  EF gagnaflutningur er eins góður bissness eins og talsmenn upplýsingatæknigeirans vilja vera láta.  Þar sem mikið er kvartað undan okri (ekki síður frá heimanotendum en fyrirtækjum) þar HLÝTUR að vera tækifæri fyrir samkeppni.