Er spilaborgin að hrynja?

Slúður dagsins í fjármálageiranum mun víst vera að tveir aðilar sem hafa flogið hátt og mikið hefur borið á í íslensku viðskiptalífi séu í rauninni ekki eins stöndugir og flestir telja.

Sagt var að Glitnir og Landsbankinn ynnu nú að því að bjarga þessum aðilum fyrir horn, því ef þeir myndu rúlla er hætt við að fleiri fylgdu á eftir.

Eins og einhver sagði, "Ef þú ert með milljón í vanskilum þá ert þú í vandræðum, en ef þú ert með milljarð í vanskilum, þá er það bankinn sem er í vandræðum".

Púkinn ætlar ekki að nafngreina þessa aðila, enda hefur hann engar forsendur fyrir því að meta hvort þessi saga sé sönn.  Það sem er hins vegar  athyglivert að margir eru þeirrar skoðunar að  þótt þessir aðilar gætu bjargast  í þetta sinn, þá sé það aðeins spurning um tíma hvenær þeir, eða einhverjir aðrir álíka stórir aðilar lendi með stórum skell.

Eru einhverjar spilaborgir að hruni komnar?

Athugasemdir

[Þorsteinn Ásgeirsson (Icerock), 18.10.2007 kl. 18:17]

Ekki væri slæmt að eigasölu rétt í FL Group núna !

[Þorsteinn Ásgeirsson (Icerock), 18.10.2007 kl. 18:18]

Ekki væri slæmt að eiga sölurétt í FL Group núna !

[Lilja Kjerúlf, 18.10.2007 kl. 19:08]

Já er búin að bíða eftir svona frétt í 2 ár.  Kannski spádómur minn sé að rætast.

[Benedikt Halldórsson, 19.10.2007 kl. 00:08]

?

[Árni Gunnarsson, 19.10.2007 kl. 12:44]

Hvort þessi frétt á við rök að styðjast mun koma í ljós. Hitt er næstum yfirnáttúrlegt ef þessi frétt og aðrar í sömu veru munu ekki verða í umræðunni er tímar líða fram.

Erfitt finnst mér að trúa því að væntingar um hagnað séu ævinlega milljarða virði.

Erum við búin að gleyma De Code,- Don Kíkóti harmleiknum?