"Bænaganga" á fölskum forsendum?

Þessi "bænaganga" er athyglivert fyrirbæri, eða öllu heldur markmið þeirra sem að henni standa, en þarna ægir saman hinum undarlegustu jaðarhópum ef eitthvað er að marka þá umræðu sem Púkinn hefur séð.

Sumir hommahatarar líta á þessa göngu sem andsvar við "Gay Pride" göngunni.  Ef Fred Phelps (sem Púkinn minntist á hér) á sér einhverja skoðanabræður á Íslandi, þá eru þeir væntanlega mættir á staðinn - en varðandi þá umræðu vill Púkinn vísa á þessa grein.

Svo eru þeir sem líta á sjálfa sig sem frelsaða úr einhverjum myrkum fjötrum - fyrrverandi ofbeldismenn og afturbatadópistar sem hafa skipt út dópfíkninni fyrir trúarfíkn og telja sig betri menn. Púkinn getur reyndar tekið undir það - ef menn þurfa endilega að flýja veruleikann er af tvennu illu betra að flýja í trú en dóp - þar þarf enginn að stela til að fjármagna næsta skammt.

Væntanlega eru líka þarna einhverjir sem líta fyrst og fremst á gönguna sem göngu gegn myrkrinu í þjóðfélaginu, frekar en sem trúarlega göngu - göngu gegn almennu þunglyndi, böli og mannskemmandi tilveru, sem því miður allt of margir þurfa að búa við.  Um það viðhorf er svosem allt gott að segja - það sem Púkinn efast hins vegar um er að "trú" í hvaða mynd sem er sé einhver lausn á þeim vandamálum.  Betri félagsleg úrræði, geðlyf eða sálfræðimeðferð eru vænlegri leiðir til árangurs.

Fólk sem mætir í gönguna á þessum forsendum er hins vegar að láta blekkja sig.  Myrkrið virðist nefnilega alls ekki vera aðalatriðið í hugum margra þeirra sem standa að göngunni, samanber fréttina á visir.is:

Hópur kristinna trúfélaga sem stendur fyrir svokallaðri bænagöngu á laugardag hefur sent alþingismönnum og sveitarstjórnarmönnum bréf þar sem farið er fram á það að kristinfræðikennsla verði efld í grunnskólum og að kristið siðferði fái aukið vægi í menntun og uppeldi komandi kynslóða.

Það er nefnilega það.  Ekki senda þeir alþingismönnum og sveitarstjórnarmönnum bréf og biðja um fleiri gistiskýli fyrir heimilislausa, fleiri meðferðarúrræði fyrir dópista, menntunarstyrki fyrir öryrkja, eða hækkaðar húsaleigubætur fyrir einstæða foreldra.

Nei, þeir vilja fá að stunda sitt trúboð í friði - halda áfram að innræta börnum sinn boðskap eins og þeir hafa gert öldum saman - reyna að ala á sektarkennd ómótaðra barna og þykjast síðan vera með einu lausnina sem virkar.  Það er gott að þeir hafa forgangsröðina á hreinu.

Athugasemdir

[Inga Helgadóttir (IP-tala skráð) 10.11.2007 kl. 16:48]

Ósammála og sammála.  Ég er ekki viss um að það sé betra að flýja veruleikann frá dópi og í trú, ég set einnig spurningamerki við þetta að stela. Það þarf nefnilega einnig að fjármagna næsta skammt af trú.  Kristinfræðikennslu ætti hins vegar hiklaust að leggja niður í öllum skólum og einungis kenna sögu trúbragðanna í hennar stað.

 

[Púkinn, 10.11.2007 kl. 16:51]

Tja, Púkinn hefur nú aldrei heyrt um neinn sem framdi vopnað rán til að geta komist á biblíunámskeið....þannig að af tvennu illu....

[Einar Indriðason, 10.11.2007 kl. 17:55]

Kannski ekki vopnað rán, sem slíkt.  En.. hefurðu einhvern tímann horft á Omega?  Sem stundar á stundum skipulagðan heilaþvott?

[Jenný Anna Baldursdóttir, 10.11.2007 kl. 19:06]

Flottur pistill, Púki.  Takk fyrir mig.

[Kristinn Ásgrímsson, 10.11.2007 kl. 21:28]

Kæri Friðrik. Ekki held ég að gangan hafi verið á röngum forsendum endilega,þótt þessi yfirlýsing hafi verið afhent Hins vegar ef allir frelsuðust og vildu nú gjöra það sem rétt er, þá þyrfti náttúrlega engar vírusvarnir og sumir þyrftu því að leita á önnur mið með atvinnu.

Ég held að það séu góð skipti að skipta á því að vera ofbeldismaður og eigulyfjaneytandi og allt sem því fylgir og taka trú og byrja að sýna meðbræðrum sínum kærleika. Varðandi geðlyf og sálfræðinga þá er það nú ekki alslæmt, hins vegar þekki ég dæmi, þar sem þessar lausnir hafa ekki dugað. En þegar hins vegar trúin kom, þá kom löngunin til að lifa. Þannig að við verðum ekki sammála að sinni.

[Púkinn, 10.11.2007 kl. 21:36]

Ef fólk getur ekki losnað við fíkn nema með því að skipta henni út fyrir aðra, minna skaðlega fíkn, þá er það a.m.k. framför.

Púkanum finnst þó best ef fólk þarf engar slíkar hækjur, heldur getur höndlað raunveruleikann eins og hann er. 

[Sigurjón, 11.11.2007 kl. 02:44]

Kristna fræði á að leggja niður í skólum landsins um leið og kirkjan verður skilin frá ríkinu.

[Kristinn Ásgrímsson, 11.11.2007 kl. 23:34]

Anna, gangan var öllum opin, reyndar endaði Sigurbjörn Einarsson stundina á Austurvelli, og fleiri prestar úr kirkjunni þinni tóku þátt. Það fékk hins vegar engin boðskort. Ég sem þú telur sjálfsagt einn af þessum sannkristnu, verð að segja að ég ber virðingu fyrir þér sem manneskju og þú varst vissulega velkomin þarna sem og allir aðrir.

Já Friðrik, en ef raunveruleikinn er sá að Guð skapaði manninn, af hverju þá ekki að lesa " Manualinn"  En bestu kveðjur frá Kef, ég held áfram að mæla með forritinu þínu.

[Anna Benkovic Mikaelsdóttir, 12.11.2007 kl. 13:01]

Nafna...þú hefðir ekki "fílað" þig velkomna þarna...

það er greinilegur nasistaþefur hér...

sjá

http://www.gmaki.com/myndir/2007/11/10/DSC_6277.html

[Fríða Eyland, 12.11.2007 kl. 14:11]

Jamms myndirnar tala sínu máli...Takk fyrir góða færslu

[DoctorE (IP-tala skráð) 12.11.2007 kl. 14:12]

Mér finnst frábært að þessi nasistabænaganga virðist hafa staðið í öllu normal fólki.
Er ekki æðislegt þegar ruglukollar jarða sjálfa sig