Ungfrú Jarðsprengja 2008

Það eru sumar fréttir sem fá Púkann til að staldra aðeins við og hugsa - hér er ein þeirra.

Á næstunni verður haldin fegurðarsamkeppni kvenna sem hafa misst einn eða fleiri útlimi eftir að hafa stigið á jarðsprengju.

Undankeppninni er nú lokið og hafa verið valdir keppendur í lokakeppnina sem fer fram í Luanda, Angola í apríl á næsta ári.

Markmið keppninnar er að vekja athygli á að jarðsprengjur eru enn vandamál í mörgum löndum, jafnvel árum eða áratugum eftir að stríðsátökum þar lauk.

Það er líka annað markmið, sem kemur fram í slagorði keppninnar "Everybody has the right to be beautiful" - það er ekki nauðsynlegt að uppfylla hina stöðluðu ímynd.

Heimasíða keppninnar er hér.

Púkinn getur ekki að því gert að hann veltir ósjálfrátt fyrir sér hvaða skoðanir femínistar hafa á þessari keppni. 

Athugasemdir

[DoctorE (IP-tala skráð) 24.11.2007 kl. 18:58]

hhahaha .. ehhh ég veit ekki hvað ég á að segja :)

[Púkinn, 24.11.2007 kl. 23:32]

þetta voru akkúrat viðbrögð Púkans líka

[Vendetta, 29.11.2007 kl. 00:40]

Mér er ekki beinlínis hlátur í huga. Og hvað með öll börnin sem limlestast? Einungis vegna þess að samvizkulausir vopnaframleiðendur þurfa að græða og vegna þess að sum lönd (þ.á.m. USA) vilja ekki skrifa undir alþjóðasamning um að banna landsprengjur. Og of litlu fé er varið í að leita að þeim.

En það er rétt, að íslenzkir femínistar leiða svona hjá sér. Þeim er hvort eð sama um afdrif kvenna í 3. heiminum.