Jaha...þið viljið fá gjaldeyrinn minn!

Já, já...Seðlabankinn vill fá gjaldeyrinn heim.  Það eru bara þrjú vandamál.

Í fyrsta lagi er ennþá allt stopp með gjaldeyrisflutninga til landsins.   Meðan greiðslur skila sér ekki, þá fær Seðlabankinn þær ekki.

Í öðru lagi vil ég fá að nota eðlilegan hluta af mínum gjaldeyri til að borga mína erlendu reikninga og halda mínu fyrirtæki gangandi.  Meðan mér er sagt að ég fái ekki að senda minn eigin gjaldeyri aftur úr landi til að borga krítíska reikninga, eða laun starfsmanna sem eru staddir erlendis, þá kem ég ekki með meiri gjaldeyri hingað heim en ég nauðsynlega þarf.

Í þriðja lagi er alger óvissa með hvert gengi krónunnar er.  

Þangað til ferlið er komið í lag, sit ég á mínum gjaldeyri, takk fyrir.

Seðlabankinn reynir að efla gjaldeyrismarkað

Athugasemdir

[Æsir (IP-tala skráð) 30.10.2008 kl. 20:55]

Auðvitað Gerir maður það

En Davíð Bara Skilur það ekki

En það Er Ekkert Skrítið

kveðja

[Guðmundur Ásgeirsson, 30.10.2008 kl. 21:21]

Hann er líka bara lögfræðingur greyið, ekki von þó hann sé steinhissa á þessu hafaríi öllu saman...

[Tori, 30.10.2008 kl. 21:24]

Skili menn ekki gjaldeyri inní landið eiga þeir að skila kvótanum!

[Magnús Sigurðsson, 30.10.2008 kl. 21:41]

Eðlilega ekki, nema um sé að ræða gjaldeyristekjur af sameign þjóðarinnar.  Annars verður þjóðin að nýta sameignina sjálf.  En eins og allir sem búa í kvótalausum sjávarbyggðum vita þá þarf að skipta um stjórnvöld til þess að þjóðin njóti sameignarinnar.  Gjaldeyririnn heim gæti þess vegna verið álíka torsótt og Börnin heim.

[Árni Steingrímur Sigurðsson, 30.10.2008 kl. 21:54]

@Hafþór: röksemdafærslur?

[Púkinn, 30.10.2008 kl. 22:04]

Ég tek nú svona rugludalla eins og Hafþór ekki alvarlega...

[Halldór Jónasson, 30.10.2008 kl. 23:01]

Getur þú bent mér á banka erlendis þar sem ekki er þrörf á að mæta á staðinn til að stofna reikning. Er að leita að því.  Er að bíða eftir stórri greiðslu í Evrum og sýnist það ekki geta skilað sér til landins. Þannig að ég þarf að stofna reikning til að geta greitt framleiðanda vörunnar.

[Vilhjálmur Þorsteinsson, 30.10.2008 kl. 23:20]

Hafþór er kannski ekki búinn að átta sig á því að helmingur þjóðarinnar er undir meðalgreind.  En það má hugga sig við að hinn helmingurinn er yfir meðalgreind.

Af athugasemdum Hafþórs hef ég dregið mína ályktun um hvorum helmingnum hann tilheyrir en held henni út af fyrir mig, enda dagfarsprúður maður (eins og Púkinn).

[Vilhjálmur Þorsteinsson, 30.10.2008 kl. 23:23]

... en það sem ég vildi sagt hafa í tilefni af færslu Púkans:  Ég hélt að í Seðlabankanum væru aðdáendur frjáls markaðar, sem skildu að þessi "tilboðsmarkaður" er fáránlegur ef aðeins má nota keyptan gjaldeyri til að kaupa takmarkað magn af mat, lyfjum og olíuvörum, eða annað sem Gjaldeyrisnefnd alþýðu þóknast.

[Kebblari, 31.10.2008 kl. 08:47]

Sælllll Hafþór, þú ert aldeilis á hálum ís hérna. Vilhjálmur Þorsteinsson og Friðrik Skúlason (fyrst nafnið var nefnt hér að ofan) voru meðal þeirra manna sem maður bar (hmmm ber?) einna mesta virðingu fyrir. Ég var sennilega 12 ára þegar ég vissi um Vilhjálm, maður fylgdist grant með og stolltið hjá manni toppaði þegar að ADA þýðandinn sem hann gerði öðlaðist heimsviðurkenningu og maður sá hann auglýstann í stærstu tölvutímaritunum í heiminum. Friðrik var mjög ungur þegar hann skaraði framúr, mig minnir hann hafi verið samtímis nemandi í sálfræði, íslensku og tölvunarfræði, jafnframt því sem hann var kennari í íslensku. Hann gerði greiningarforrit sem hafði þær gáfur að það gat flokkað/greint íslensk orð í texta, mig minnir að hann hafi verið höfundur þriggja af fjögurra mest seldu forritum á íslandi í kringum 1992 - 1995. Eitt forritið sem hann gerði náði mikilli útbreiðslu um allan heim og skapaði seinna mörgum vinnu hér á landi og landinu gjaldeyri sem varð til án nokkurra CO2 mengunnar. Vilhjálmur í félagi við vin sinn gerði annað forrit sem var með mest seldu viðskiptakerfum sem seld voru á landinu og eru enn í notkun. Slíkar hetjur eins og inngangurinn minn hérna að ofan lýsir, varð meðal annars mér til hvatningar að læra þá fræðigrein sem þeir sköruðu framúr í. Ég man einnig eftir því að þegar að tölvusýningarnar sem tölvunarfræðinemari héldu í gamla daga voru haldnar, eitt af því sem maður gerði var að mæta á þær til að sjá þessar hetjur. Þarf að hafa fleiri orð um þetta Hafþór?

[Púkinn, 31.10.2008 kl. 09:25]

Ég þakka ofanfarandi athugasemd, en varðandi umræðuna um greind undir meðaltali vil ég segja eftirfarandi:

Formlega séð er réttara að segja að helmingur þjóðarinnar sé með greind undir miðgildi (svo framarlega sem maður gefur sér þá forsendu að greind sé mælanleg á einhvers konar línulegum kvarða).  Gefi maður sér þar að auki þá forsendu að dreifing greindar á þeim kvarða fylgi einhvers konar normaldreifingu er munur á miðgildi og meðaltali varla marktækur.

Fyrri tilvísun í athugasemd mína á öðru bloggi vísar væntanlega til blogggreinar þar sem því var haldið fram að alþingismenn þyrfttu að endurspegla þjóðina.  Ég er því algerlega ósammála og benti á að samkvæmt því þyrfti helmingur alþingismanna að vera með greind undir meðaltali.  Reyndar má vel vera að það sé einmitt staðan í dag og myndi það skýra núverandi ástand efnahagsmála að miklu leyti.

Púkinn vill einfaldlega frekar sjá "toppfólk" stýra þjóðinni - sumum finnst þetta ef til vill einhvers konar óþægilegur gáfnaelítuismi, en þannig er það nú samt.  Púkinn vill einfaldlega sjá fólk á þingi sem getur hugsað meira en einn leik fram í tíman - kannski ætti bara að kjósa skákmenn á þing?

[Matthías Ásgeirsson, 31.10.2008 kl. 10:09]

Er þetta dæmi með innflutning á gjaldeyri ekki fangaklemma (prisoners dilemma)?  Ef allir flyttu inn gjaldeyri er nokkuð víst að flestir gætu fengið þann gjaldeyri sem þarf.  En meðan fáir gera það lenda þeir í því að flytja inn gjaldeyri en fá hann ekki.

Á sama tíma bíða aðilar eftir því að geta flutt fé sitt í gjaldeyri til að forða því úr landi.

Eftir sitjum við hin, horfum á og getum ekkert gert.

[Púkinn, 31.10.2008 kl. 10:39]

Tja...ef menn eiga von á meira falli krónunnar og þurfa ekki að flytja gjaldeyrinn inn til að standa undir útgjöldum, þá er skiljanlegt að þeir bíði, sem aftur veldur auknum skorti, sem eykur líkurnar á gengisfalli þegar markaðir opnast.

Málið er hins vegar það að jafnvel þeir sem vilja flytja gjaldeyrinn til landsins eru í vandræðum með það - peningarnir skila sér ekki.