Gagnaver - gott mál

Það ætti ekki að koma neinum á óvart að Púkinn er hlynntari uppbyggingu gagnavera og skyldrar hátæknistarfsemi en olíuhreinsunarstöðva og annarrar mengandi stóriðju.

Svona fyrirtæki borga væntanlega hærra verð fyrir raforkuna en álverin og skapa verðmæt störf.

Bygging gagnavera verður líka væntanlega til það að aukinn kraftur verður settur í að koma íslandi í viðunandi ljósleiðarasamband við umheiminn.

Púkinn vonast hins vegar til þess að verðið fyrir notkun á ljósleiðarasambandinu muni lækka með tímanum, enda er það verð einfaldlega fáránlegt sem stendur.

Fyrirtæki Púkans dreifir miklu af gögnum frá sínum netþjónum.  Þeir eru staðsettir í svona gagnaverum (eða netþjónabúum), en aðeins örfáir þeirra eru á Íslandi.  Ástæðan er einfaldlega sú að það myndi kosta tífalt meira að dreifa gögnunum héðan en frá netþjónum sem staðsettir eru í Bandaríkjunum.

Ólíkt hefðbundnum iðnfyrirtækjum eru mörg hátæknifyrirtæki ekki eins bundin af því að hafa starfsemi sína á tilteknum stað - ef aðstæður eru óhentugar þá er minnsta málið að flytja hluta starfseminnar úr landi.

Viljayfirlýsing um byggingu gagnavers

Athugasemdir

[Óskar Þorkelsson, 3.11.2008 kl. 12:49]

þetta er gott framtak.. vonandi verður framhald á svona nýjungum á næstunni.. álver er tækni sjötta áratugarins.

[Maelstrom, 3.11.2008 kl. 18:20]

Verð á internet tengingum hérlendis er beinlínis fáránlegt.  Sérstaklega finnst mér það hátt á ljósleiðaratengingum yfir ljósleiðara OR.  Hún er svo dýr að það er alveg grátlegt!!!  Þið getið kannski frætt mig um það í hverju kostnaður ISP þar felst? 

1. Samningur við OR um þjónustu yfir ljósleiðara
2. Kaup á bandvídd yfir FARICE
3. Föst tenging við hin símfyrirtækin (Símann/Vodafone)
4. Annar rekstrarkostnaður

Eitthvað annað?  Nú veit ég ekki alveg nógu mikið um hvernig verðlagningin virkar hjá símfyrirtækjunum.  Veit það einhver hérna?

1.  Kostar eitthvað að bjóða þjónustu hjá OR?  OR fær 2390 hjá notandanum sjálfum þannig að það er þeirra hagur að sem flestir vilji nota ljósleiðarann.  Kannski kostar ekki neitt að selja þjónustu á ljósleiðaranum þeirra.  Veit einhver?

2. Þetta kostar einhvern slatta.  Finnst það reyndar skrýtið hversu mikið, því ég hef heyrt að nýtingin á FARICE sé ekki sérlega mikil (20%?).  Einokun?

3. Þyrfti aðeins að kaup innlenda bandvídd af hinum símfyrirtækjunum.  Öll erlend traffík færi yfir kostnaðarlið 2.  Einhver kostnaður í þessu?

4.  Laun, router-ar, DNS o.s.frv.  Megnið ef kostnaðinum líklega þegar tilkominn hjá "stórum" tölvufyrirtækjum sem hefðu áhuga á að gerast virtual ISP fyrir sjálfan sig (FRISK, CCP o.s.frv.)

Er einhver business í því fyrir fyrirtæki að verða virtual ISP fyrir sjálfan sig í gegnum ljósleiðara OR?

[Rafn Haraldur Sigurðsson (IP-tala skráð) 3.11.2008 kl. 21:03]

Þetta er mjög gott mál, en ekki nema 20 störf sem skapast beint og 20 önnur óbeint. Það er sami fjöldi og var sagt upp  þar sem ég vinn. Álver eins og í Staumsvík skapar 500 manns vinnu beint og minnsta að kosti annað eins óbeint, svo menn skuli ekki gera lítið úr því.

kveðja Rafn.