Afspyrnuléleg fréttamennska

Sumar fréttir eru vel unnar, en aðrar ekki - og sú sem hér er vísað í tilheyrir síðari hópnum.  Það verður að gera kröfu um að fjölmiðlar hafi lágmarksþekkingu á málum sem þeir fjalla um og geti skilið aðalatriðin frá aukaatriðunum.  Þetta er því miður allt of algengt vandamál þegar kemur að vísindatengdu efni.

Upphaflega fréttin snýst nefnilega ekki um orku úr hlöðnum eindum frá sólinni - tilvist þeirra hefur verið vel þekkt áratugum saman. Nei, raunverulega fréttin varðar uppgötvun á eins konar flæktum segulsviðum, sem líkt hefur verið við "segulreipi" sem tengir jörð og sól.

Það er fréttin - ekki það sem stendur í íslensku fréttinni.  Til að sjá "alvöru" útgáfu af umræddri frétt vill Púkinn t.d. vísa áhugasömum hingað.

Telja orkuuppsprettu norðurljósanna fundna

Athugasemdir

[Ásgeir Kristinn Lárusson, 12.12.2007 kl. 14:08]

Tek undir þessa athugasemd hjá þér - get ímyndað mér að nýráðið fólk á fréttamiðlum sé fengið það verkefni að „þýða“ greinar sem þessa og „fréttir“ af barnshafandi smástirnum í Ameríkunni. Að maður minnist ekki á stjörnuspána...(aumkunarvert).

[Jón Magnús, 12.12.2007 kl. 14:57]

Ég las þetta og hugsaði þetta sama - "Er þetta frétt?!?, ég vissi þetta fyrir 20 árum síðan" en takk fyrir update-ið því fréttin er rugl.

[Kári Harðarson, 12.12.2007 kl. 15:37]

Sömuleiðis, ég skildi ekki hvað var fréttnæmt,  takk fyrir að benda á þetta.

Ég held að bloggið eigi eftir að taka við af íslenskum blöðum á endanum, svei mér þá.  Fréttirnar eru að verða lítið annað en  samantekt á fréttatilkynningum frá stofnunum, fyrirtækjum og samtökum, og léleg endursögn á erlendum fréttum.

[Haukur Nikulásson, 12.12.2007 kl. 17:17]

Ég gerði það eitt sinn mér til gamans að senda [e-mail] þær ambögur og villur sem voru í fréttunum þeirra. Þær eru hins vegar orðnar svo margar að það er ekki lengur hægt. Fljótlegra væri nú orðið að senda þeim það sem er í lagi. Sérstaklega finnst mér að stafsetningarvillur séu orðnar meira áberandi en áður, villur sem auðveldlega mætti leiðrétta með Púka

[Hans Magnússon (IP-tala skráð) 12.12.2007 kl. 18:07]

Fólk sem starfar við fréttir hér á landi hefur ekki það sem þarf til að skila góðu verki. Engin metnaður til staðar. Þeir eru hinsvegar mjög vandvirkir þegar þeir fjalla um sjálfa sig eða þann fjölmiðil sem þeir vinna hjá.

[Þór Ómar Jónsson, 13.12.2007 kl. 07:57]

ert þú ekki maðurinn sem ert til í að taka að þér að búa til alla þessa "lágmarksstaðla" um alla skapaða hluti :-).