Fátt er svo með öllu illt....

Svona til að fá smátilbreytingu frá neikvæðum og niðurdrepandi blogggreinum um ástand efnahagsmála vill Púkinn benda á að einstaka jákvæðar hliðar fylgja yfirstandandi ósköpum.

Þar er Púkinn ekki að tala um að þjóðin læri vonandi einhverjar lexíur á þessu og að græðgivæðingin verði ekki eins áberandi á komandi árum - nei, Púkinn er að horfa til jákvæðu smáatriðanna.

Íbúar við Skerjafjörðinn hafa á undanförnum misserum orðið fyrir ónæði af auknu flugi einkaflugvéla og þyrlna, en nú er útlit fyrir að verulega dragi úr því, þegar sumir neyðast til að selja þessi faratæki sín úr landi.

Já, fátt er svo með öllu illt....

Stjórn Nýja Glitnis skipuð

Athugasemdir

[Þorsteinn Briem, 12.10.2008 kl. 16:02]

Það verður enginn flugvöllur í Vatnsmýrinni eftir árið 2024. Hún er ekki nafli alheimsins og enginn flugvöllur verður í Reykjavík í framtíðinni. Hins vegar er nú þegar góður flugvöllur á höfuðborgarsvæðinu, Keflavíkurflugvöllur.

Höfuðborgarsvæðið nær frá Akranesi að Selfossi, fólk fer daglega frá Akranesi, Selfossi og Keflavík til að sækja vinnu annars staðar á höfuðborgarsvæðinu og þar búa um 70% þjóðarinnar. Og við Landsspítalann verður einungis þyrlupallur en ekki flugvöllur.

[Óskar Þorkelsson, 12.10.2008 kl. 16:31]

Steini sagði það sem segja þurfti.. 

[Guðríður Hrefna Haraldsdóttir, 13.10.2008 kl. 16:47]

Jamm, Steini er klár!

[Kebblari, 13.10.2008 kl. 22:55]

Já en ég vil ekki sjá þetta innanlandsflug í Keflavík, þá verður bara meiri traffík á Reyk.nes.brautinni en ég vil hafa hana fyrir mig...