Enn einn þingmaður gefur skít í kjósendur

Púkanum finnst það ákaflega óeðlilegt að þingmenn skuli geta skipt um flokk án þess að segja af sér þingmennsku.

Ástæða þess er einföld -  með því að skipta um flokk eru þeir að svíkja þá kjósendur sem kusu viðkomandi flokk.   Það er nefnilega ekki þannig að kjósendurnir hafi kosið þingmanninn sem slíkan - nei, þeir kusu lista flokksins.  Með því að yfirgefa flokkinn án þess að segja af sér og láta varaþingmann taka við er verið að svíkja þá kjósendur sem kusu viðkomandi lista.

Það eru tvær lausnir á þessu.  Önnur er einfaldlega að þingmenn segi af sér þingmennsku þegar þeir yfirgefa flokk sinn, enda hafa þeir í raun glatað því umboði sem þeir höfðu.  Þetta væri einföld, siðferðislega rétt leið, en þingmenn og siðferði eiga víst oft litla samleið.

Hin lausnin er mun rótækari og krefst algerrar endurskoðunar á kosningalögunum, en hún byggir á því að kjósendur kjósi eingöngu þingmenn - ekki flokka.  Þá væri óumdeilanlegt að þingmaðurinn sæti á þingi í umboði kjósenda sinna, óháð því hvaða flokki hann tilheyrði.  Svona fyrirkomulag myndi líka opna möguleikann á að kjósa þingmenn sem í raun tilheyrðu mismunandi flokkum.

Púkinn myndi gjarnan vilja geta kosið ákveðna frambjóðendur á listum flestra flokka - það eru menn á listum Sjálfstæðisflokksins, Vinstri Grænna og Samfylkingarinnar sem Púkinn myndi gjarnan vilja kjósa - en svo eru aftur aðrir frambjóðendur á viðkomandi listum sem Púkinn telur að eigi ekkert erindi á þing.

Púkinn er hlynntur beinu lýðræði - ekki flokksræði, en líkurnar á að slíkt komist í gegn eru nánast engar - flokkarnir myndu missa áhrif sín ef fólk gæti kosið frambjóðendur milliliðalaust og það myndu þeir aldrei samþykkja.

Karl V. til liðs við Frjálslynda

Athugasemdir

[Úrsúla Jünemann, 13.3.2009 kl. 11:28]

Mikið er ég sammála þér. Sá þingmaður sem skiptir um flokk á að segja af sér þingmennskuna tafarlaust. Þetta á að koma inn í lögin.

[Óskar Þorkelsson, 13.3.2009 kl. 12:00]

Hin lausnin er mun rótækari og krefst algerrar endurskoðunar á kosningalögunum, en hún byggir á því að kjósendur kjósi eingöngu þingmenn - ekki flokka. Þá væri óumdeilanlegt að þingmaðurinn sæti á þingi í umboði kjósenda sinna, óháð því hvaða flokki hann tilheyrði. Svona fyrirkomulag myndi líka opna möguleikann á að kjósa þingmenn sem í raun tilheyrðu mismunandi flokkum

Ég styð þetta !!  

[Carlos Ferrer (IP-tala skráð) 13.3.2009 kl. 12:21]

Sammála hvoru tveggja.

[Offari, 13.3.2009 kl. 13:29]

Ég vill kjósa menn en ekki flokka.

[Hilmar Gunnlaugsson, 13.3.2009 kl. 16:26]

Ég harma ákvörðun Karls og tel slæmt að svo ágætur maður kjósi að styrkja rasistaflokkinn einmitt þegar hann er að þurrkast út.

[Hildigunnur Rúnarsdóttir, 13.3.2009 kl. 16:39]

Það eru kostir og gallar við öll kerfi, langstærsti gallinn við beina kosningu hlýtur að teljast hættan á að lýðskrumarar komist að.

[Axel Þór Kolbeinsson, 13.3.2009 kl. 17:14]

Ég er sammála Hildigunni.  Blanda af þessum tveim kerfum mundi hugnast mér.

[Púkinn, 13.3.2009 kl. 17:17]

Eh...og komast lýðskrumarar semsagt ekki á þing í dag?

Gengur þeim semsagt alltaf illa í prófkjörum?

 Ég held ekki.

[Jenný Anna Baldursdóttir, 13.3.2009 kl. 18:04]

Sammála.  Málið er að þeir eiga auðvitað að stíga til hliðar og kalla inn varamann úr flokknum sem þeir hyggjast yfirgefa.

Eins og með Karl Matthíasson, ég held að enginn kjósanandi Samfylkingarinnar sé hallur undir Frjálslynda flokkinn.

[Róbert Björnsson, 13.3.2009 kl. 20:14]

Mikið sammála þér í báðum atriðum - óþolandi að þingmenn geti leyft sér að skipta um flokka og svíkja þannig kjósendur sína og sömuleiðis vil ég fá beint persónukjör - það finnst gott fólk í öllum flokkum en sömuleiðis algerir lúserar sem maður getur ekki hugsað sér að leggja nafn sitt við.

[Sigurður M Grétarsson, 14.3.2009 kl. 21:46]

Mér skilst að á Írlandi sé kerfið þannig að menn geta kosið þingmenn af fleirum en einum lista. Þá fá listarnir, sem um ræðir hluta af atkvæði viðkomandi kjósana. Til dæmis ef hann kýs tvo þingmenn af lista A og einn af lista B þá telst flokkur A hafa fengið 2/3 af atkvæði hans og flokkur B 1/3 af því.