Grillmatur sumarsins

Góð steik, beint af grillinu er eitt af því besta sem Púkinn veit, en það er nú svo að hann hefur oft orðið fyrir vonbrigðum með for-kryddað eða for-marinerað kjötmeti.

Allt of oft hefur Púkinn lent í því að kaupa jurtakryddað-þetta eða bláberjamarinerað-hitt, en bara orðið fyrir vonbrigðum með bragðið og gefið hundinum stóran bita af steikinni og borðað í staðinn kjöt sem hann kryddar sjálfur eftir sínu höfði.

Hins vegar finnst Púkanum bara réttmætt að hrósa því sem hann fékk í matinn um síðustu helgi - "víkingasteik" frá Kjarnafæði, sem stóð fyllilega undir væntingum - og gott betur.  

Nánari upplýsingar má sjá á þessum hlekk.

Athugasemdir

[Sigurjón, 5.7.2007 kl. 20:41]

Var þetta þá vöðvi af ekta, lífrænt ræktuðum víkingi?  (Krmmmhhh...)

[Einar Indriðason, 6.7.2007 kl. 08:54]

Eitt sem ég hef stundum velt fyrir mér... notkun á orðinu "lífrænn".  Nú er t.d. verið að tala um "lífrænt ræktaða tómata".  Þýðir það að ef ég kaupi tómata sem eru ekki með þessum stimpli, þá sé ég að kaupa "ólífrænt ræktaða tómata"?  Hvernig ... smakkast ólífrænt ræktaðir tómatar?  (Eins og frauðplast?)

Eru tómatar í eðli sínu ekki lífræn vara?

[Púkinn, 6.7.2007 kl. 09:14]

Púkinn velti þessu einmitt fyrir sér, þegar hann sá "lífræna mjólk" til sölu....er þá til einhver ólífræn mjólk?

Annars er orðið "lífrænn" nú frekar illa valið til að lýsa þessum vörum.