Eiríkur og veðmangararnir (hluti 2)

Breskir veðmangarar eru nú ekki alveg sammála dómnefnd BBC og vera má að meira sé að marka þá, enda er mun breiðari hópur sem leggur undir, heldur en situr í dómnefndinni.

Þess ber hins vegar að gæta að þótt allra þjóða kvikindi (þar á meðal Íslendingar) geti lagt undir, þá eru væntanlega flestir þeirra breskir, þannig að kannski segja tölur veðmangaranna bara mest um það hvernig bresku atkvæðin muni falla.

Hvað um það, svona eru tölurnar:

1    Ukraine    11.6%    £13.16    
2    Belarus    8.6%    £10.20    
3    Serbia    9.8%    £10.20    
4    Sweden    8.2%    £9.09    
5    Russia    5.8%    £6.90    
6    Switzerland    6.5%    £6.90    
7    Bulgaria    5.7%    £6.67    
8    Cyprus    4.2%    £4.76    
9    Greece    2.8%    £2.94    
10    Andorra    2.8%    £2.00    
11    Romania    2.0%    £1.96    
12    Denmark    1.9%    £1.82    
13    Israel    1.8%    £1.82    
14    Ireland    1.4%    £1.49    
15    Malta    2.3%    £1.43    
16    Latvia    1.9%    £1.33    
17    UK    1.7%    £1.33    
18    Macedonia    1.4%    £1.25    
19    Finland    1.4%    £1.23    
20    Spain    1.5%    £1.11    
21    Turkey    1.5%    £1.11    
22    France    1.2%    £1.00    
23    Slovenia    1.7%    £1.00    
24    Georgia    1.0%    £0.99    
25    Hungary    1.2%    £0.91    
26    Iceland    1.2%    £0.91

Fyrri talan segir til um líkurnar á landið vinni, en sú síðari hversu háa upphæð þarf að leggja undir til að fá 100 pund til baka ef landið vinnur.

Spá Þjóðverjum sigri í Söngvakeppni evrópskra sjónvarpsstöðva

Live Earth tónleikarnir

Þegar Live Earth tónleikarnir voru kynntir var það sem röð tónleika í sex heimsálfum sem áttu að standa samfellt í 24 tíma.  Staðsetning tónleikanna hefur að vísu breyst örlítið - tónleikarnir í Bandaríkjunum hafa til dæmis verið færðir milli borga, en að öðru leyti virðist staðsetningin hafa verið negld niður strax í febrúar.

Púkinn skilur þess vegna ekki þessa umræðu núna í maí -  hafi Ísland einhvern tíman verið inni í umræðunni sem mögulegur vettvangur, þá er ljóst að við misstum af lestinni fyrir löngu síðan.

Það er athyglivert að sjá hverjir verða flytjendur á tónleikunum, jafnvel virðast einhverjar hljómsveitir ætla að taka saman að nýju fyrir þessa tónleika.  Þeir sem koma fram á Wembley eru til dæmis

• Beastie Boys
• Black Eyed Peas
• Bloc Party
• James Blunt
• Duran Duran
• Foo Fighters
• Genesis
• David Gray
• Keane
• Ray LaMontagne
• John Legend
• Madonna
• Paolo Nutini
• Corinne Bailey Rae
• Razorlight
• Red Hot Chili Peppers
• Damien Rice
• Snow Patrol
• Spinal Tap

 

Hætt við Live Earthtónleika í Reykjavík

Púkinn og þjóðsöngurinn

Púkinn er ekki sáttur við þjóðsönginn og ef hann lendir í þeim ósköpum að vera þar sem ætlast er til að þjóðsöngurinn sé sunginn, þá þegir Púkinn sem fastast.

Þetta er ekki bara af því að þjóðsöngurinn er illsyngjanlegur fyrir fólk með venjulegt raddsvið, heldur bara einhverja söngelítu sem nær öllum þeim tónum sem þarf að ná. Nei, það er allt annað sem gerir það að verkum að Púkinn þegir.

Þjóðsöngvar eiga að mati Púkans að vera sameiningartákn viðkomandi þjóðar, en sá íslenski nær því bara ekki - hann er ekki þjóðernis- eða þjóðræknislegur á nokkurn hátt. Þetta er lofsöngur til guðs kristinna manna.  Púkinn er ekki í þeim hópi.

Hvernig er ætlast til að tríleysingjar og þeir sem ekki telja sig kristna geti með góðri samvisku tekið undir frasa eins og "..sem tilbiður guð sinn..", ".. guð faðir, vor drottinn, frá kyni til kyns.."eða "..sem þroskast á guðsríkis braut." ?

"Ísland ögrum skorið" er þó illskárra, því þrátt fyrir trúarlegt ívaf er sá texti að minnsta kosti um Ísland, en helst myndi Púkinn nú vilja sjá eitthvað eins og ´"Island er land þitt" - þjóðsöng fyrir alla.

Eiríkur og veðmangararnir

Breskir veðmangarar eru almennt ekki hrifnir af Eiríki, en þessa dagana virðist helst vera veðjað á Serbíu, Svíþjóð og Sviss.

Línuritið hér til hliðar sýnir hvernig  tölurnar hafa breyst hjá veðmöngurunum síðan 10. mars - bláa línan er íslenska lagið en hinar þrjár tákna þau þrjú lönd sem minnst var á að ofan.

Heildartöfluna  má sjá hér, en samkvæmt henni er Ísland í 17-18 sæti.

Það er líka hægt að veðja um hvort Ísland komist í úrslitaþáttinn, en miðað við tölur veðmangaranna virðist það ekki öruggt.

Ekki hrifnir af Eiríki og Valentine Lost

Syngjandi salerni

Salernamenning Japana er svolítið sérstök.  Margir kannast við salerni með innbyggðum þvottabúnaði, sem senda vatnsbunu upp í loftið þegar notkun er lokið, enda hafa þau verið fáanleg hérlendis.

Japanska fyrirtækið Inax hefur hins vegar nýlega framleitt salerni með ýmsum athygliverðum nýjungum. 

Það á meðal má nefna upplýsta skál (mynd D), væntanlega til þess að karlmenn eigi auðveldara með að nota salernið í myrkri.

Að auki inniheldur salernið stereo-hátalara og MP3 spilara, sem kemur forhlaðinn með tónlist eftir Bach, Chopin og Mendelsohn (mynd A),

Einnig er sjálfvirkur setulyftibúnaður (mynd C).

Það sem Púkinn skilur hins vegar ekki er mynd B, en hún hlýtur að túlkast sem svo að salernið sé sérlega æluvænt.  Ætli einhverjum verði flökurt meðan þeir hlusta á Bach og gera sín stykki í upplýsta skál? 

Snoop Dogg - fyrir ári síðan

Í dag, 26. apríl er slétt ár síðan hann var handtekinn á Heathrow flugvelli vegna óláta, þegar honum var meinaður aðgangur að VIP-stofu þar.  

Sjö lögreglumenn slösuðust í sklagsmálunum, en síðan þá hefur honum verið bannað að koma til Bretlands og sömuleiðis er hann á svörtum lista hjá British Airways.

Með þessu áframhaldi fer ferðamöguleikum hans væntanlega að fækka verulega.

Púkanum stendur rétt svo á sama - tónlist þessa manns er nokkuð sem hann hlustar ekki á ótilneyddur og fólk sem hagar sér eins og erki-hálfvitar verður bara að taka afleiðingum gjörða sinna.  Svo einfalt er það.

Snoop Dogg óvelkominn til Ástralíu

Sundbolir + tónlist

Það hlaut að koma að þessu.  Nú er búið að hanna sundbol með innbyggðum sólarrafhlöðum, þannig að fólk getur eytt öllum deginum í sólinni á ströndinni án þess að þurfa að hafa áhyggjur af því að rafhlaðan í iPod tækinu eða farsímanum klárist - bara stinga honum í samband við sundbolinn og málið er leyst.

Þessi hátæknibolur er framleiddur af Triumph fyrirtækinu, en ekki fylgir sögunni hvað hann kostar, né heldur hvort sólarrafhlöðurnar eru vatnsheldar.

Nú fyrir þá sem ekki hafa áhuga á sundbolum eða tónlist, þá er þetta að minnsta kosti þokkaleg afsökun fyrir birtingu á mynd af fáklæddri fyrirsætu. 

Sjá nánar á Gizmodo.

Að kaupa tónlist á Netinu

Það munu víst vera fáir sem slá Íslendinga út í iPod eign - miðað við fólksfjölda að sjálfsögðu. Púkanum finnst það þess vegna dapurlegt hversu erfitt það er fyrir Íslendinga að kaupa tónlist fyrir slík tæki. 

Apple selur yfir 1.500.000 lög í gegnum iTunes Store, en því miður er Ísland ekki meðal þeirra landa sem geta nýtt sér þá þjónustu.  Hún er í boði í Danmörku, Svíþjóð og Finnlandi, en hvorki á Íslandi né Noregi.

Hvers vegna?  Tja, annað hvort vill Apple ekki selja hingað, eða þeir hafa af einhverjum ástæðum ekki náð samkomulagi við samtök rétthafa tónlistarinnar um sölu til Íslands.

Á meðan þessi staða varir vex úr grasi kynslóð sem lítur á það sem sjálfsagðan hlut að stela tónlist í gegnum kerfi eins og Limewire - krakkar sem líta á þetta sem sjálfsagðan hlut því þau hafa ekki aðra möguleika til að nálgast stök lög fyrir iPod tækin sín.

Það er gott mál að lag Bjarkar skuli vera boðið til sölu, en betur má ef duga skal.
 

Smáskífa Bjarkar seld á netinu án afritunarvarna

Not fyrir óperutónlist

Púkinn er ekki aðdáandi óperutónlistar - en það hefur af sumum verið talið merki um vanþroska Púkans á sumum sviðum, svona á svipaðan hátt og að Púkinn vill hvorki sjá koníak né ólífur.

Óperutónlist einfaldlega heillar Púkann ekki og hann hefur ekki séð not fyrir þessa tegund tónlistar.

Nú er hins vegar búið að upphugsa ný not fyrir þessa tegund af tónlist.   Lögreglan í Vín hefur átt í vandræðum með dópista og róna sem hafa lagt undir sig Karlplatz neðanjarðarbrautarstöðina.

Það hefur verið ákveðið að leika óperutónlist samfellt úr hátölurum stöðvarinnar í þeim tilgangi að fæla þennan hóp í burtu þar sem þeir eru nú ekki þekktir fyrir áhuga sinn á henni, samkvæmt talsmanni lögregunnar.

Púkin veit ekki hvort þetta mun virka - en hitt er víst að þessi aðferð myndi duga til að fæla Púkann í burtu. 

Stranglers - ekki enn dauðir

Púkinn ætlar á tónleika í kvöld.  Þetta væri ekki merkilegt ef Púkinn gerði slíkt reglulega, en nei - það gerist ekki nema á nokkurra ára fresti.

Sú hljómsveit sem um ræðir er Stranglers, en þeir hafa verið í miklu uppáhaldi hjá Púkanum frá 1986 þegar hann kynntist þeim fyrst, en plata þeirra, Dreamtime kom einmitt út það árið, þótt þeir hafi verið starfandi frá 1977.  Margar eldri plötur þeirra eru einnig góðar, svo sem Black and White og The Raven, en því miður áttu þeir slæmt skeið í kringum 1996 og plöturnar About Time, Coup De Grace og Written In Red eru ekki í sérstöku uppáhaldi hjá Púkanum.

En liðsmenn Stranglers voru ekki búnir að vera og sönnuðu það með plötunni Norfolk Coast, sem kom út 2004 og svo með Suite XIV sem kom út á síðasta ári, en sum lögin þar svo sem Unbroken og I Hate You jafnast að mati Púkans á við það besta sem liðsmenn Stranglers hafa gert síðustu 3 áratugina.

Púkinn vonast til að sjá sem flesta aðdáendur Stranglers í kvöld.