Hvíl í friði, Clippy

Clippy, litla bréfaklemman í Word, sem reyndi stöðugt að leiðbeina notendum um rétt vinnubrögð er ekki lengur á meðal okkar.

Ævi Clippy var erfið og mörkuð af mikilli gagnrýni.  Á honum dundu stöðugt frasar eins og "óþolandi afskiptasemi" og "hvers konar hálfviti heldur þessi bréfaklemma að ég sé?" en hann umbar þessa gagnrýni með jafnaðargeði og  brosti allt til síðustu stundar.

Clippy átti fáa vini, en Tux, Linux mörgæsin var einn fárra sem sýndu honum skilning, enda var hlutskipti þeirra um margt svipað.

Það lýsir best því skilningsleysi sem Clippy mætti hjá yfirboðurum sínum að engar samúðarkveðjur bárust frá Bill Gates eða öðrum yfirmönnum Microsoft við fráfall hans.

Púkinn vottar aðstandendum Clippy samúð sína og veit að nú er Clippy kominn á betri stað, fjarri öllum notendaviðmótum með "Undo" og "Delete" hnöppum.

Athugasemdir

[Hlynur Þór Magnússon, 10.2.2007 kl. 15:58]

Farið hefur fé betra.

[Ingi Geir Hreinsson, 10.2.2007 kl. 16:03]

Ég er einn af þeim sem hataði clippy af einstökum hita og fádæma alúð miðað við að þetta var nú bara forritsbútur. Ég hataði sérstaklega þegar clippy kom á reiðhjólinu. Margar tölvur hafa verið í tilvistarhættu vegna áhrifa clippy á mig.......................................

Ég var að lesa það sem ég skrifaði rétt í þessu, mun hafa samband við geðlækni fyrr en síðar.