Þer sem risaeðlur og biblían mætast

Kent Hovind, einnig þekktur sem "Dr. Dino" er stofnandi "Creation Science Evangelism" og "Dinosaur Adventure Land".  Samtök hans framleiða einnig kennsluefni handa foreldrum sem taka börn sín úr skóla, ef þau vilja ekki að börnin læri um hluti eins og þróun lífs, eða heyri "guðlausan" boðskap eins og að jörðin sé eldri en sex þúsind ára.

Kent Howind er nefnilega einn af þeim sem trúir því að hvert einasta orð í Biblíunni sé bókstaflega satt og hann er einn af áhrifamestu mönnunum í þessum hópi.

Honum virðist reyndar hafa yfirsést smávegis - það var þetta með sjöunda boðorðið.

Kent Hovind var nefnilega dæmdur á föstudaginn í 10 ára fangelsi fyrir skattsvik og til að greiða 640.000 dollara.

Púkinn gat ekki annað en glott - svona eins og þegar hann heyrði af prestinum sem stal kirkju.

Athugasemdir

[Mofi (IP-tala skráð) 20.2.2007 kl. 18:48]

Kent Hovind er skemmtilegur karakter og gaman að sjá hann rökræða við þróunarsinna, hef ekki enn séð þróunarsinna sem stendst honum snúning og hef séð ansi margar þannig rökræður.  Leitt að lesa þetta með skattana. Hann hefur haft mjög ákveðnar skoðanir á hvernig allt þetta skattadæmi á að virka og greinilega hefur dómarinn ekki alveg verið honum sammála. Trúi því ekki að hann hafi viljandi verið að stela en maður svo sem veit aldrei.