Að kunna að vera í fríi

Púkanum finnst allt of algengt að fólk kunni ekki að taka sér frí frá vinnunni og þessi frétt um að fimmtungur taki ferðatölvuna með sér í fríið er gott dæmi um það.

Ef fólk getur ekki farið í frí án þess að þurfa að vera í netsambandi við umheiminn er eitthvað að - sennilega kunna viðkomandi ekki að slaka á og hefðu gott af að athuga hjá sér blóðþrýstinginn.

Hraðinn í þjóðfélaginu  er það mikill að stundum er nauðsynlegt að stoppa, fara í frí upp í fjöll eða á einhverja sólarströnd og skilja stressið eftir heima.

Fyrir þá sem lifa í stressandi umhverfi, er stundum nauðsynlegt að slaka - liggja á bekk í sólinni með bjórglas í hendi, langt frá öllum ferðatölvum og farsímum.  

Fimmti hver Bandaríkjamaður tekur fartölvuna með í fríið

Athugasemdir

[DoctorE (IP-tala skráð) 2.6.2007 kl. 12:41]

Ég er sammála þér nema með það að liggja í sólinni, er ekki stressvaldandi að liggja og bakast í krabbameinsvaldandi geislum?

[Kári Harðarson, 2.6.2007 kl. 14:50]

Er þetta nokkuð mynd af þinni ferðatölvu?

Ég bara spyr af því ég sé að þetta er Macintosh

[Púkinn, 2.6.2007 kl. 16:03]

Það skrýtna er nú að ég nota aldrei ferðatölvu sjálfur - á ekki einu sinni neina þannig.

[DoctorE (IP-tala skráð) 2.6.2007 kl. 18:44]

En gaman, ég er búinn að vera í tölvum frá því að sinclair spectrum var upp á sitt besta og ég fékk mér 1sta lappann fyrir svona 6 mánuðum... nota hann lítið... fékk mér hann til þess að skoða Vista og til þess að getað forritað inni í stofu

[Björn Emil Traustason, 2.6.2007 kl. 22:14]

Ég er ekki sammála þér það er miklu betra að geta tekið fartölvuna með. þá getur maður slappað af og notið þess að vera í fríi.

[Eva Þorsteinsdóttir, 3.6.2007 kl. 00:32]

Sammála Birni.... stundum er bara ekki annað hægt en að taka tölvuna með svo stressið verði minna.

[Margrét St Hafsteinsdóttir, 3.6.2007 kl. 13:58]

Bestu og mest afslappandi fríin eru að plana sem minnst og bara vera í rólegheitum, það segja rannsóknir. Allt í lagi að vera með tölvuna og dúlla sér eitthvað í henni af og til

[Sigurjón, 3.6.2007 kl. 14:14]

Akkúrat.  Maður þarf ekkert endilega að vera að vinna þó tölvan sé með í för.