Hundalíf

Á flakki sínu um netið rekst Púkinn stundum á myndir sem honum finnst þess virði að deila með öðrum.  Guinness heimsmetadagurinn var nýlega og eitt af því sem gert var í tilefni hans var að taka mynd af stærsta og minnsta hundi heims saman.

Gibson er Stóridani, sem er rúmlega 2 metrar á hæð þegar hann stendur á afturfótunum, en Boo Boo er hins vegar Chihuahua sem nær rétt rúmlega 10 cm hæð og væri ekki meira en hálfur munnbiti fyrir stóra frænda sinn.

Já, "frænda", því allir hundar eiga jú sameiginlega forfeður í hópi úlfa, fyrir ef til vill ekki nema 10.000 árum síðan.

Athugasemdir

[Sigurður Þór Guðjónsson, 11.11.2007 kl. 16:45]

Skyldu svona hundar geta átt börn og buru saman.

[Púkinn, 11.11.2007 kl. 17:52]

Tja....ef faðirinn er Chihuahua og fær nauðsynlega aðstoð, t.d. með tröppum, þá ætti það að vera hægt.  Hvað ætti að kalla slíka blendinga?  "Greathuahua" ?

[Einar Indriðason, 11.11.2007 kl. 18:56]

Með tröppum? BWAHAHAHAHA!!!!!

[Jónína Dúadóttir, 12.11.2007 kl. 09:00]