Lottó og fátækt

Það er sjálfsagt að óska vinningshafa dagsins til hamingu, en hins vegar á Púkinn svolítið erfitt með að skilja þá sem taka þátt í Lottóinu, eða happdrættum yfirleitt.

Sér í lagi er þetta illskiljanlegt þegar um er að ræða fólk sem telur sig búa við kröpp kjör og tekur þátt í von um að bæta eigin hag, en ekki til að styðja aðstandendur happdrættisins.

Það er staðreynd að í heildina, til lengri tíma litið tapar fólk á því að taka þátt í happdrættum - meðaljóninn fær færri krónur til baka en hann leggur í þetta.  Það er að vísu alltaf von um "stóra vinninginn", en líkurnar eru á móti því - að meðaltali tapar fólk fleiri krónum en það fær til baka.

Nei, fólk sem er að kvarta undan því að hafa of fáar krónur á milli handanna ætti að byrja á að skera niður óþarfa eins og happdrætti og reykingar - þá fyrst er hægt að taka mark á kvörtununum þeirra.

Einn fékk fimmfaldan lottópott

Athugasemdir

[birna, 11.3.2007 kl. 13:40]

Lífið er ekki meðaltalsútreikningur

Ef ég væri láglaunamanneskja, eða öryrki og sæi ekki fram á að eiga neinn möguleika (=0.0%) á að verða rík

þá væri lotto ágætur kostur, því þar get ég keypt mér veika von (>0.0%) um ríkidæmi fyrir lítinn pening.

Speki dagsins í boði birnu

[Jens Guð, 11.3.2007 kl. 19:45]

Oft kaupi ég happdrættismiða til að styrkja tiltekinn málaflokk fremur en að reikna með stóra vinningnum.  Íþróttahreifingin fær hagnaðinn af lottóinu, ásamt Öryrkjabandalaginu.  En vinningsvonin er gulrótin.

Í okkar fámenna landi þekkja allir marga sem hafa unnið stóra vinninginn.  Eitt sinn vann pabbi hæsta vinning í happdrætti Háskólans.  Fyrrum vinnufélagi minn vann íbúð í happdrætti DAS.  Tvo menn til viðbótar þekki ég sem unnu sitthvorn bílinn í bílahappdrættum.  Þannig mætti áfram telja.  Þegar vinningum rignir svona yfir ættingja og vini þá er raunhæft að ætla að röðin geti komið að mér. 

[Grétar Amazeen (IP-tala skráð) 11.3.2007 kl. 20:16]

Lottó er bara skattur á heimskt fólk.

[Sigurjón, 13.3.2007 kl. 04:16]

Ég myndi ekki taka svo djúpt í árinni, en segi að Lottó er skattur á fólk sem kann ekki að reikna.