Ný leið til að læra íslensku - eða hvað?

Við leit að námsefni í íslensku fyrir útlendinga á geisladiskum rakst Púkinn á þann geisladisk sem hér er sýndur.  Það merkilegasta við hann er sennilega textinn "There are no audible words on this subliminal CD".

Einmitt það já. Við nánari athugun kom í ljós að diskurinn inniheldur aðallega rigningar- og  þrumuveðurshljóð, en í bakgrunninum eru einhver orð sögð, en of lágt til að hægt sé að greina þau.

Púkanum er ekki alveg ljóst hvernig þetta á að auðvelda íslenskunámið, en samkvæmt framleiðenda byggir þetta á því að virkja undirmeðvitundina.

Einmitt það já - þetta er væntanlega jafn áhrifaríkt og að undirbúa sig fyrir próf með því að sofa með námsbækurnar undir koddanum. 

Og verðið á þessum disk?  Tja, það er rétt tæpir 5 dollarar - enn eitt dæmi um að maður fær kannski það sem maður borgar fyrir.

Athugasemdir

[DoctorE (IP-tala skráð) 10.6.2007 kl. 11:49]

Ég fékk mér svona til að læra frönsku en diskurinn var rispaður þannig að nú get ég bara stamað á frönsku ;)

[Ásta Kristín Norrman, 10.6.2007 kl. 13:38]

Sennilega eins og annað námsefni sem til er fyrir útlendinga sem vilja læra íslensku.