Hugleiðingar um útdauðar lífverur

Því hefur verið haldið fram að yfir 99% allra dýrategunda sem hafa verið uppi á jörðinni hafi dáið út.

Það sem er sérstakt við þann fjölda lífvera sem er að deyja út nú um þessar mundir er að maðurinn ber beint eða óbeint ábyrgð á stöðunni.  Hins vegar er ekki enn um neitt met að ræða.

Við lok krítartímans (fyrir um 65 milljónum ára) er áætlað að um 50% allra tegunda hafi dáið út.  Við nutum á vissan hátt góðs af því, því meðal þeirra tegunda sem lifðu af voru lítil loðin spendýr, sem um 12 milljón kynslóðum síðar áttu eftir að verða forfeður (og formæður manna).  Sennilegasta skýring þessa atburðar er talinn árekstur stórs loftsteins við jörðina, á þeim stað sem Yucatanskagi í Mexico er nú.

Þetta hverfur hins vegar í skuggann af atburðum sem áttu sér stað fyrir um 251 milljón ára síðan, í lok Permian-tímabilsins, en þá er áætlað að 70% allra tegunda á landi og 96% allra tegunda í sjó hafi dáið út.  Ástæður þessa eru ekki þekktar með vissu, en sennilegt er að eldgos í Síberíu (stærsta eldgos síðustu 500 milljón árin) eigi hlut að máli, en einnig virðist sem súrefnisskortur í hafinu hafi átt hlut að máli.

Hvað um það - mannkynið hefur aðeins verið uppi í 100.000-200.000 ár og meðal líftími spendýrategunda á jörðinni er ekki nema um ein milljón ára.  Kakkalakkarnir hafa hins vegar verið á jörðinni í 300 milljón ár og verða hér sjálfsagt áfram þótt mannkynið útrými sjálfu sér.

Skordýr í hitabeltislöndum gætu dáið út

Athugasemdir

[DoctorE (IP-tala skráð) 6.5.2008 kl. 16:16]

Mannkynið verður að gera að því að komast af jörðinni sem fyrst svo við deyjum ekki út 1 2 & bingó

[J. Einar Valur Bjarnason Maack , 6.5.2008 kl. 16:30]

Kakkalakkarnir og Keith Richards.

Það eina sem kemur til með að lifa af. 

[Þorsteinn Briem, 6.5.2008 kl. 21:13]

"... og 96% allra tegunda í sjó hafi dáið út."

Þarna er skýringin á launahækkun útvarpsstjórans komin. Þau hækkuðu einmitt um 96% á einu bretti.

[Villi Asgeirsson, 7.5.2008 kl. 07:54]

Þess má geta að dódó fuglinn, sen prýðir þessa færslu, dó út eftir að síðasti fuglinn var barinn til bana af hollenskum sjóurum á Mauritius. Það er vonandi að okkur hafi farið fram síðan.

[Sigurjón, 10.5.2008 kl. 03:10]

Gaman að þú skyldir setja inn mynd af Dódófuglinum.  Hann varð reyndar útdauður fyrir 1700 ef ég man rétt.  Það var ekki vegna þess að hann þótti góður til matar, heldur fyrst og fremst vegna gæludýra innflytjenda, auk forvitni og traustsnáttúru sinnar.