Þennan dag árið 2349 f. Kr.....

Samkvæmt James Ussher, fyrrverandi erkibiskup írsku kirkjunnar, var 5. maí árið 2349 f.Kr. dagurinn þegar örkin hans Nóa strandaði á Ararat fjallinu.  Hann lét ekki smávægileg vandamál eins og umrætt flóð átti sér aldrei stað og að örkin var aldrei til (a.m.k. ekki eins og lýst er í Genesis) hindra sig.

Enn í dag er ótrúlegur fjöldi manna (flestir í Bandaríkjunum og öðrum löndum þar sem trúarskoðanir eru taldar jafngildar sannleika) sem trúir því að þetta flóð hafi átt sér stað og að leifar af örkinni megi finna á Ararat.  Svikahrappinum Ron Wyatt tókst til dæmis að telja fjölda manna trú um að hann hefði fundið leifar af örkinni nálægt Doğubeyazıt í Tyrklandi.

Fyrir tilviljun er 5. maí líka dagurinn sem John T. Scopes var handtekinn fyrir að kenna þróunarkenninguna í Tennessee, árið 1925 en lögin sem hann var sakfelldur fyrir að brjóta voru ekki felld úr gildi fyrr en 1967.

Athugasemdir

[DoctorE (IP-tala skráð) 5.5.2008 kl. 23:00]

Þetta er svo hlægilega barnaleg saga, en hún er líka ein mesta hryllingssaga sem gerð hefur verið, þegar guddi tók sig til og drekkti öllum heiminum; konur, börn, óléttar konur, menn og dýr, líkin hafa verið um allt.
Flóðbylgjurnar í asíu um árið voru eins og stormur í vatnsglasi miðað við það sem guð gerði samkvæmt bókinni

[Óskar Þorkelsson, 6.5.2008 kl. 00:13]

það er samt sannleikskorn í sögunni !!   Talið er að mikið flóð hafi átt sér stað við austanvert miðjarðarhaf þegar mikil stífla brast þar sem Svartahaf er í dag... menjar um þetta flóð finnast um allt á þessu svæði og heilu borgirnar liggja undir vatni í svartahafi.. þetta flóð er talið hafa átt sér stað 3-4 þúsund árum fyrir krist..  svo þar sem er reykur er oftast nær einhver hiti undir...  en á nóa trúi ég alls ekki.

[Óskar Þorkelsson, 6.5.2008 kl. 00:15]

http://archives.cnn.com/2000/NATURE/09/13/great.flood.finds.ap/

[Arnar Pálsson, 6.5.2008 kl. 09:00]

Ágætur punktur um vandamál bókstafstrúar. Það væri reyndar gaman að fara yfir reikningana hjá Ussher, svona bara til að sjá hvaða forsendur hann gaf sér.

Besta ástæðan fyrir að halda upp á daginn er samt sigur hátíðin Cinco de Mayo sem á rætur í sigri Mexikana á Frökkum í orrustunni um Puebla árið 1862.

[Þorsteinn Briem, 6.5.2008 kl. 09:04]

Það sem er vísindi í dag er bábilja á morgun.

Alltaf verið að finna "nýtt" fólk sem hrökk sífellt fyrr upp af standinum, úti um allar koppagrundir.

Það eina sem haggast ekki í veröldinni er stefna Seðlabankans og ljósaperan.

Og það eina sem þarf að gera er að leiða þessa tvo aðila saman.

[Baldur Gautur Baldursson, 6.5.2008 kl. 13:02]

Það sem mig grunaði. Þessi maður hefur ekki haft neitt annað betra að gera en að reyna búa til skemmtileg ártöl fyrir hitt og þetta. Hefði hann ekki átt að vera úti á mannaveiðum og reyna fyrir sér með trúboð en að vera pýssla þetta með að grafa fram einhver vita gagnslaus ártöl.  Kannski þessvegna að hann var gerður að erkibiskupi.  Hver veit! 

Óskar hefur svolítið skemmtilegt innskot hérna og vísar til jarð- og veðrufarslegra staðreynda. EN hvort gamli Nói og bátskelin hans og verðurfarsforsendur þær sem Óskar vísar til hafi átt samleið, vil ég ekkert segja um.

Fínt chatt, by the way!!